DC ARUMERU ATOA SIKU 1 4 WAVAAMIZI SHAMBA LA SHAMBA LA VALESKA KUPISHA SHUGHULI ZA KITAALAMU

Imewekwa: November 18th, 2021

Mkuu Wilaya ya Arumeru Mhandisi Richard Ruyango ametoa siku 14 kwa wote waliovaamia Shamba la Valeska lililopo Halmashauri ya Wilaya ya Meru kupisha taratibu za kitaalamu katika Shamba hilo ambalo awali lilikuwa likimilikiwa na Arusha Cooperative union limited (ACU) , ambapo Mwaka 2008 Serikali   ilifuta  umiliki wake kutokana na ACU kushindwa kuliendeleza .

Mhe. Ruyango ametoa agizo hilo baada ya kuzungumza na wananchi wa Vijiji Vitatu vinavyozunguka Shamba hilo vya  Maroroni, kwaugoro na Valeska ambavyo kila kimoja  kimepewa Ekari 500 kutoka Shamba hilo lenye ukubwa wa Ekari 4087  lililofutiwa umiliki na Serikali  kwa maslahi mapana ya taifa, ambapo  Halmashauri  ya Meru ilipewa jukumu la  kuligawanya  kwa kuzingatia maelekezo yaliyotolewa.

Kesia  Kaaya ambaye ni mkazi wa kijiji Cha Valeska ameishukuru Serikali kwa kutoa Ekari 500 kwani zitasaidia kupunguza uhitaji wa Ardhi "japo Ekari 500 hazitoshi tunaishukuru Serikali kwani tunachangamoto ya ufinyu wa Ardhi, wengi hatuna makazi pia tunaitaji maeneo ya huduma za jamii na ardhi ya vijana kujiajiri kwenye kilimo cha mbogamboga "amesema Kesia

Nao Wananchi waliovaamia Shamba hilo kwa kujishughulisha na kilimo cha mbogamboga  wamesema hawana budi kufuata maagizo ya Serikali japo hawakutarajia kuondolewa kwa muda  uliotolewa "kwa sasa najishughulisha na kilimo cha pilipili  katika Shamba hili" amesema Reward Komba

Nao Waheshimiwa Madiwani wa Kata ya Maroroni na Makiba, ambao  Kata zao zina  Vijiji vilivyopewa Ekari 500 wametoa wito kwa Wananchi kuwa watulivu wakati taratibu za kitaalum ikiwemo upimaji zikiendelea katika Shamba hilo

Ikumbukwe, tarehe Mosi Julai 2021 Mhe.Wilium Lukuvi Waziri wa Ardhi, Nyumba na Maendeleo ya Makazi alifanya ziara katika Halmashauri ya Wilaya ya Meru na kutoa maelekezo ya Serikali juu ya upangaji wa Shamba la Valeska ikiwa ni pamoja na kuelekeza Vijiji Vitatu vinavyozunguka Shamba Hilo kupewa Ekari 1,500 kwa mgawanyo wa Ekari 500 kwa kila kijiji.

Baadhi ya picha za tukio.

Mkuu wa Wilaya ya Arumeru Mhandisi Richard Ruyango akizungumza na Wanakijiji wa Kijiji cha Maroroni na kwaUgoro.

Mkurugenzi Mtendaji wa Halmashauri ya Wilaya ya Meru ,Mwl.Zainabu Makwinya wakati wa Ziara ya Mhe.Mkuu wa Wilaya Kata ya Maroroni.

Mkurugenzi Mtendaji wa Halmashauri ya Wilaya ya Meru akizungumza na wananchi wa Maroroni.

Baadhi ya Wanakijiji wa Kijiji chaValeska wakifuatilia Mkutano wa Mkuu wa Wilaya ya Arumeru.

Baadhi ya Wanakijiji wa Kijiji chaValeska wakifuatilia Mkutano wa Mkuu wa Wilaya ya Arumeru.

Baadhi ya Wanakijiji wa Kijiji chaValeska wakifuatilia Mkutano wa Mkuu wa Wilaya ya Arumeru.

Baadhi ya Wanakijiji wa Vijiji vya Maroroni na kwaugoro wakifuatilia Mkutano wa Mkuu wa Wilaya ya Arumeru.

Baadhi ya Wanakijiji wa Vijiji vya Maroroni na kwaugoro wakifuatilia Mkutano wa Mkuu wa Wilaya ya Arumeru.

Baadhi ya Wanakijiji wa Vijiji vya Maroroni na kwaugoro wakifuatilia Mkutano wa Mkuu wa Wilaya ya Arumeru.

Baadhi ya Wanakijiji wa Vijiji vya Maroroni na kwaugoro wakifuatilia Mkutano wa Mkuu wa Wilaya ya Arumeru.

Baadhi ya Wanakijiji wa Vijiji vya Maroroni na kwaugoro wakifuatilia Mkutano wa Mkuu wa Wilaya ya Arumeru.