Jamii yatakiwa kukamilisha miundombinu inayohitajika ili shule za sekondari zisajiliwe.

05 October 2018

Afisa Elimu Sekondari  Halmashauri ya Wilaya ya Meru Mwl.Damari Mchome ametoa rai kwa  jamii katika Halmashauri hiyo kukamilisha miundombinu mbalimbali  katika  shule  za Sekondari walizozianzisha ili taratibu za usajili zifuate na wanafunzi kuweza kunufaika na  elimu  bila malipo.

Mwl. Mchome amefafanua kuwa Miundombinu  inayohitajika ili shule  ya Sekondari  isajiliwe ni lazima kuwe na  madarasa 4 yenye  samani yaani meza na kiti nk , maabara 3, ofisi ya Walimu , nyumba za Walimu , vyoo vya  Wanafunzi  na  Walimu 

Aidha kwa mujibu wa taratibu shule za sekondari  yaani za kata ni za wananchi hivyo wanajukumu la kujenga miundombinu  inayohitajika .