MATUNDA YA ELIMU BURE HALMASHAURI YA WILAYA YA MERU.

20 September 2019

Katika kutekeleza Ilani ya CCM  kwa ajili ya uchaguzi mkuu wa mwaka 2015 ibara ya 52,Serikali kwa kipindi cha miaka 3 imetoa Shilingi Bilioni 4 kwaajili ya Elimu bila malipo, kwa wastani  wa kila mwezi Serikali hutoa katika Halmashauri ya Wilaya ya Meru zaidiya shilingi milioni 60  kugharamia elimu bila malipo kwa Shule za Msingi.Aidha, zaidi ya shilingi milioni 55 hutolewa kugharamia elimu kwa Shule za Sekondari.

MATOKEO YA ELIMU BURE KATIKA HALMASHAURI YA MERU.Kumekuwa na ongezeko la Wanafunzi katika Shule za Sekondari na Msingi ambapo idadi ya Wanafunzi waliojiunga Sekondari  kidato cha kwanza mwaka 2015 ilikuwa 2622 kabla ya utekelezaji wa Elimu bila malipo na mwaka 2019  idadi hiyo imeongezeka kufikia 4924.  Kwa upande wa Shule za msingi Idadi ya wanafunzi walioandikishwa darasa la awali imeongezeka kwa kiasi kikubwa kutoka  6809 Mwaka 2015, 7052 mwaka 2017 ,7196 mwaka 2018   na 7700 mwaka 2019.Elimu bila malipo imeongeza asilimia ya ufaulu ambapo asilimia ya ufaulu katika Mtihani wa Taifa wa kuhitimu kidato cha sita mwaka 2016  ilikuwa 92.06%,na Mwaka 2019 imefika 99.7%, Katika Mtihani wa kuhitimu kidato cha Nne,mwaka 2015 asilimia ya ufaulu ilikuwa 89.16% na mwaka 2018 ikafikia 96.92%,Mtihani wa upimaji kidato cha pili mwaka 2015 asilimia ya ufaulu ilikua 89.16% na mwaka 2018 ikawa 96.92% na katika Mtihani wa kuhitimu Elimu ya Msingi darasa la saba (vii), mwaka 2015 ilikuwa 67.6% na mwaka 2018 ilifikia 86.6%.

ELIMU BILA MALIPO IMEENDA SAMBAMBA NA UBORESHAJI WA MIUNDOMBINU.

Serikali kupitia mradi wa lipa kulingana na matokeo (EP4R)imetoa zaidi ya Shilingi Milioni 300 kwa ajili ya ujenzi wa madarasa manne na vyoo vya matundu 6 katika Shule ya Msingi wa maboma 16 (vyumba vya madarasa) katika shule za Msingi 16. Tanzanite na Kisimiri juu,pamoja na ukamilishaji.