SIKU 14 ZATOLEWA KWA WALIOPEWA MAENEO KATIKA SOKO LA TENGERU KUENDELEZA.
18 December 2018
Kutoka Wilayani Arumeru.
Mkurugenzi Mtendaji wa Halmashauri ya Wilaya ya Meru Bw.Emmanuel Mkongo anawatangazia wananchi wote waliopewa maeneo ya kujenga vibanda kwenye maeneo ya soko la Tengeru ambao mpaka sasa hawajaonesha juhudi zozote za kuendeleza maeneo hayo, kuwa watakuwa wamepoteza sifa ya kuendeleza maeneo hayo.
Kwa tangazo hili wanapewa siku 14 kuanzia tarehe ya tangazo hili ambayo ni 18 Disemba 2018 wawe wameshaendeleza maeneo waliyopewa na Serikali iweze kukusanya mapato yake.
Aidha kushindwa kufanya hivyo ndani ya siku 14 zilizotolewa itachukuliwa kuwa mhusika hana uwezo na nia ya kuendeleza eneo hilo ,hivyo eneo litachukuliwa na kugawiwa kwa mtu mwingine mwenye uwezo na nia ya kuendeleza.
