Watendaji wa Serikali watahadharishwa na Rushwa kwa kutokutekeleza wajibu wao.

Imewekwa: July 7th, 2020

Watendaji wa Kata na Vijiji  Wilayani Arumeru,wametakiwa kuchukua hatua za kudhibiti madawa ya kulevya ikiwemo bangi kama Sheria inavyowataka kwani kutokufanya hivyo ni kujihusisha na kosa la Rushwa kwa matumizi mabaya ya madaraka kwa mujibu wa kifungu cha 31 cha Sheria ya Kuzuia na Kupambana na Rushwa Namba 11 ya mwaka 2007.

Hayo yameelezwa na Mkuu wa Takukuru Wilaya ya Arumeru Ndg. Deo Mtui  baada ya Mkuu wa Mkoa wa Arusha kutoa maagizo ya kusimamishwa kazi kwa Watendaji wa Kata na Kijiji katika Kata ya Mwandeti na Afisa Tarafa wa  Mukrati kuwa chini ya uangalizi kwa kushindwa kudhibiti kilimo cha bangi katika maeneo yao

Akizungumza na waendaji hao toka  Kata 26 na Vijiji 90,Maafisa Tarafa  pamoja na Wakuu wa Idara na Vitengo wa Halmashauri ya Wilaya ya Meru, Mkuu huyo wa TAKUKURU  amesema kwa mujibu wa kifungu cha 31 cha Sheria ya Kuzuia na Kupambana na Rushwa Namba 11 ya mwaka 2007 viongozi hao wanapaswa kuwakamata na kuwafikisha kwenye vyombo vya Sheria wale wote wanaotenda uhalifu kwenye maeneo yao ikiwa ni pamoja na uhalifu wa kulima,kuuza na kutumia Bangi.

Mtui ametoa wito kwa viongozi hao kutekeleza majukumu yao kwa mujibu wa Sheria ikiwa ni kuchukua hatua za kudhibiti kilimo cha bangi katika maeneo yao

Mkuu wa Takukuru Wilaya ya Arumeru Ndg. Deo Mtui  akizingumza na Watendaji wa Kata na Vijiji ,Wakuu wa Idara na Vitengo Halmashauri ya Wilaya ya Meru .

Maafisa Watendaji wa Kata na Vijiji wakati wa kikao .

Wakuu wa Idara/Vitengo Halmashauri ya Wilaya ya Meru wakati wa kikao .

Maafisa Watendaji wa Kata na Vijiji wakati wa kikao.