TASAFU YABADILI MAISHA MERU.

Imewekwa: March 20th, 2018

Sh.milioni 175,380,000 Kuzinufaisha  jumla ya Kaya 5,526 za walengwa wanufaika na mpango wa kunusuru kaya maskini  (TASAF) awamu ya III kwenye Halmashauri ya Wilaya ya Meru .

Manufaa hayo ni baada ya Serikali kutoa fedha hizo  sh.milioni 175,380,000 kama malipo ya  mwezi Machi - Aprili  kwa walengwa hao 5,526 toka kwenye  vijiji 47 vya Halmashauri hiyo ikiwa sh 4,700,000 zitatumika kwa shughuli za usimamizi ngazi ya kijiji.

Boniface Mwilenga  ambaye ni Mratibu wa TASAF kwenye Halmashauri ya Wilaya ya Meru  amesema Halmashauri hiyo kwa kipindi cha kuanzia mwezi Julai 2017 hadi Aprili  2018  imepokea  jumla ya sh milioni 854,280,000 kama malipo kwa wanufaika wa TASAF awamu iii.

Mratibu Mwilenga  amesema TASAF imefanya mabadiliko makubwa kwenye maisha ya walegwa kwani wengi wao wameboresha makazi  pia wamewekeza kwenye shughuli za kuongeza kipato kama vile ufugaji wa mbuzi wa maziwa ,Ng'ombe wa kisasa ,ufugaji kuku pamoja na kujishughulisha na ujasiriamali mdogo mdogo pia baadhi ya walengwa ambao hakuwa na uwezo wa kupata mahitaji  kama chakula sasa wanatumia fedha hizo kupata lishe na huduma za afya.

Mmoja wa wanufaika wa utekelezaji wa TASAF awamu  ya iii, Rebeca  Lazaro mkazi wa kijiji cha Patandi amepongeza uwepo wa mradi huo wa TASAF alio ufananisha na faraja ya mnyonge kwani ukiacha hali duni aliyokuwa nayo,pia ni mjane na familia yake  inamtegemea.

Ndg.Richard J. Sumari ambaye ni miongoni mwa wasimamizi (CMC) ngazi ya kijiji akimkabidhi  fedha  Rebeca Lazaro ambaye ni mnufaika wa TASAF wakati wa malipo kwa kipindi cha Mwezi Machi/Aprili kwenye kijiji cha Patandi.

Ndg.Boniface Mwilenga  ambaye ni Mratibu wa TASAF kwenye Halmashauri ya Wilaya ya Meru.