UWEPO WA MDUDU MWARIBIFU WA ZAO LA MAHINDI MERU.

Imewekwa: March 23rd, 2018

Wakulima kwenye Halmashauri ya Wilaya ya Meru washauriwa kuepuka hasara kwa kutembele na kukagua mazao kwenye  mashamba  yao mara kwa mara ili kubaini na kumdhibiti kwa wakati  mdudu mwaribifu aitwae kiwavijeshi kivaamizi (FALL AMRYWORM) anayeshambulia mimea ya aina 80 mbalimbali kama vile Mahindi,Mtama,Mpunga na uwele .

Akitoa Mafunzo kwa Wakulima wa kijiji cha Nkoasenga Afisa Kilimo Eliudi Saoyo  amesema  Mdudu huyo Mwaribifu asipo dhibitiwa kwa wakati huwa na Madhara makubwa kwani uharibifu wake huenda kwa hatua kwani huanza kuaribu mmea kwa kushambulia eneo la pembeni la jani na hatua ya pili hushambulia mmea kwa kutoboa jani huku hatua inayofuata ambayo ni vigumu kumdibiti kwani huingia ndani ya mmea ambapo hujitengenezea utando wa kujingika na viatilifu.

Aidha Saoyo amewashauri wakulima hao kuepuka hasara kwa kukagu mashamba yao mara moja na kumdhibiti  mdudu huyu kiwavijeshi kivaamizi  kwa kutumia  kiuatilifu (DAWA) pale wanapo baini uwepo wake  pia kutoa taarifa kwa wataalamu wakilimo ili kupata ushauri,

Afisa kilimo Saoyo amesisitiza kuwa matumizi ya viuatilifu ( dawa) hizoo lazima zizingatie vipimo sahihi kwani vipimo visipozingatiwa mdudu huyo hatokufa na kushauri aina ya viuatilifu vinavyoweza kutumika kuwa ni Duduba, Vaashield, Dasban, Duduall, Karate ,Selectroni, Abamecting.

Mwenyekiti wa kijiji cha Nkoasenga Sifael K.Pallangyo  ambaye ni miongoni mwa wakulima wa mahindi ambao mashamba yao yameshambuliwa na mdudu huyu Kiwavijeshi mvaamizi amesema"Nilitembelea Shamba langu lenye ukubwa wa Hekari 2.5  nililolima zao la Mahindi na kuona majani yameshambuliwa kwa pembeni hivyo nikapiga dawa mara ya kwanza na yapili bila mafanikio hadi alipokuja Afisa kilimo siku ya Jana na kunielekeza vipimo sahihi ndipo wadudu hawa walikufa".

wakulima wameshukuru kupata elimu hiyo na kuahidi kuitumia pamoja na kuwafikishia wakulima wengine ambao hawakupata pia wameomba Serikali kuwapatia msaada wa  viuatilifu (dawa) za kumdibiti mdudu huyo  Kiwavijeshi mwaamizi hiyo kwa kudai kuwa viuatilifu hivyo  ni vya gharama .

Afisa Kilimo Eliudi Saoyo  akiwaelimisha wakulima wa Kijiji cha Nkoasenga juu ya mdudu mwaribifu mazao aitwae Kiwavijeshi kivaamizi (AMRY WORM)

Afisa Kilimo Eliudi Saoyo  akiwaonesha  wakulima wa Kijiji cha Nkoasenga mojawapo ya kiuatilifu cha kumdhibiti mdudu aitwaye Kiwavijeshi kivaamizi (AMRY WORM)

 wakulima wa Kijiji cha Nkoasenga  wakifuatilia semina ya mafunzo  juu ya mdudu mwaribifu mazao aitwae Kiwavijeshi kivaamizi (AMRY WORM) iliyotolewa na Afisa kilimo Eliud Saoyo.

 wakulima wa Kijiji cha Nkoasenga  wakifuatilia semina ya mafunzo  juu ya mdudu mwaribifu mazao aitwae Kiwavijeshi kivaamizi (AMRY WORM) iliyotolewa na Afisa kilimo Eliud Saoyo.

Mwenyekiti wa kijiji cha Nkoasenga Sifael K.Pallangyo  akieleza wakulima wenzake wa kijiji hicho namna alivyogundua uwepo wa mdudu Kiwavijeshi kivaamizi na kumdibiti.