MERU YATOA MILIONI 315 MKOPO BILA RIBA KWA VIKUNDI VYA WANAWAKE, VIJANA NA WATU WENYE ULEMAVU

Imewekwa: April 3rd, 2023

Halmashauri ya Wilaya ya Meru  imetoa fedha, kiasi cha shilingi miloni 315  ikiwa ni mkopo usio na riba  kwa vikundi 40 vya Wanawake, vikundi 23 vya  Vijana, pamoja na vikundi saba vya watu  wenye Ulemavu, ikiwa ni utekelezaji wa agizo ya Serikali kwa Halmashauri kuwawezesha wananchi kiuchumi kwa  kutoa asilimia 10 % ya mapato yake ya ndani kwa makundi hayo matatu kama  mikopo isiyo na riba .

Akizungumza wakati wa hafla fupi ya  utoaji mafunzo na ukabidhi wa hundi ya mfano, iliyofanyika  viwanja vya halmashauri hiyo, Bi.Flora Msilu ambaye ni Mkuu wa Idara ya Maendeleo ya Jamii amesema Halmashauri  ya Meru  inaendelea kutekeleza  kwa vitendo, azimio  la Serikali  ya awamu ya sita la kuwawezesha Wananchi kiuchumi kupitia mapato ya ndani ya Halmashauri.

Msilu, ametoa Wito kwa wanufaika wa mkopo huo kufanya marejesho ili kutoa fursa kwa wananchi wengine  kunufaika ,  vilevile  amehimiza

Wanufaika kutumia mkopo  kwa malengo kusudiwa  ambapo amehimiza mkopo kuimarisha amani na upendo ndani ya  familia.Pia amewakumbusha wazazi/walezi  kutenga muda wa kuwasikiliza na kuwahudumia watoto ili kuzuia na kutokomeza vitendo vya kikatili dhidi yao "wazazi tusiwasahau watoto kwa kigezo cha kutafuta fedha" amesisitiza Msilu

Kwa upande wao Viongozi wa Jumuia ya Vijana wa CCM wametoa Wito kwa Vijana  kutumia mkopo huo kwa tija ili kujikwamua kiuchumi na kushiriki kikamilifu katika ujenzi wa Taifa ambapo wamebainisha  chama cha mapinduzi kuendelea kuhakikisha Serikali inawaletea wananchi maendeleo "Nitoe Wito kwa Vijana kuchangamkia fursa ya mikopo isiyo nariba ya asilimia 10% kujikwamua kiuchumi na kushiriki kulijenga Taifa"amehimiza Ombeni Elisante Mwenyekiti wa UVCCM Meru

"Chama cha mapinduzi kinahakikisha wananchi mnapata maendeleo utoaji huu wa mkopo usio na riba ni utekelezaji wa Ilani ya Chama Cha Mapinduzi (CCM)  Sura ya Pili ibara 23  ambayo inalenga kuwawezesha wanawake ,Vijana na Wenye ulemavu kujikwamua kiuchumi" amefafanua Remmy Nasari katibu wa UVCCM Meru

Ikumbukwe utoaji huu wa Mkopo ni kwa kipindi cha Robo ya Pili ya Mwaka wa Fedha 2022/2023