ARUMERU,SIKU YA JUMANNE KUWA SIKU YA KUSIKILIZA KERO

Imewekwa: September 3rd, 2021

Mkuu wa Wilaya ya Arumeru, Mhandisi Richard Ruyango aagiza  siku ya Jumanne kuwa siku ya kusikiliza na kutatua kero za wananchi Wilayani humo

Ruyango amesema hayo katika Baraza la Halmashauri ya Wilaya Meru, ambapo amewataka  Viongozi  kuanzia ngazi za kitongoji, Vijiji, Kata na Wilaya  kusikiliza  na kutatua kero za wananchi "si vyema mwananchi anakero ambayo inaweza kutatuliwa na Viongozi wa eneo lake, atumie nauli na muda wake kuja ngazi za Wilaya" amehimiza Ruyango

Aidha katika kero ya Choo cha Soko la Usa -River  Ruyango ametoa siku 30 Halmashauri kuhakikisha  choo kinachengwa katika Soko hilo.

Mkurugenzi Mtendaji wa Halmashauri ya Wilaya ya Meru Mwl.Zainabu Makwinya baada ya kupokea maelekezo ya Mkuu wa Wilaya, amesema Choo Cha Soko la Usa-River kilifungwa kutokana na kujengwa karibu na mkondo wa maji, hivyo ameziagiza Idara na vitengo vyote kuhakikisha miradi yote ya Umma inatekelezwa baada ya kufanyika ukaguzi Ili kuongeza tija ya utekelezaji wa  miradi hiyo "haiwezekani  Serikali au wahisani kutoa fedha za mradi ambao baada ya muda mfupi unafungiwa" amehimiza Mwl.Makwinya

Vilevile Mwl.Makwinya amewataka Watumishi kusikiliza kero za wananchi kwa wakati sambamba na kutoa sababu za Msingi kwa kero ambazo zinazohitaji muda "waambieni Wananchi ukweli na mtoe sababu kwa kero   zinazoitaji muda zaidi" ameagiza  Makwinya.

Mkuu wa Wilaya ya Arumeru, Mhandisi Richard Ruyango Akizungumza wakati wa Baraza la Halmashauri ya Wilaya ya Meru

Mhe.Jeremia Kishilu Mwenyekiti wa Halmashauri ya Wilaya ya Meru,wakati wa Mkutano wa baraza la Halmashauri 

Mkurugenzi Mtendaji wa Halmashauri ya Wilaya ya Meru Mwl.Zainabu Makwinya wakati wa Mkutano wa baraza la Madiwani.

Waheshimiwa Madiwani wakati wa Mkutano

Wakuu wa Idara na Vitengo wakati wa Mkutano wa baraza la Madiwani.

Waheshimiwa Madiwani wakati wa Mkutano 

Wakuu wa Idara na Vitengo wakati wa Mkutano wa baraza la Madiwani.

Wakuu wa Idara na Vitengo wakati wa Mkutano wa baraza la Madiwani.