Barabara ya Afrika Mashariki (Arusha bypass) yafunguliwa rasmi

Imewekwa: July 22nd, 2022

Mhe.Samia Suluhu Hassan,Rais wa Jamhuri ya Muungano wa Tanzania na Mhe.Uhuru Kenyatta Rais wa  Kenya ambaye  pia ni Mwenyekiti wa Jumuiya ya Afrika Mashariki wamewaongoza Wakuu wa Nchi  nyingine za jumuia hiyo  katika ufunguzi wa barabara ya mchepuo  ya Jiji la Arusha  (Arusha by pass) yenye urefu wa km 42.4 iliyogharibu Shilingi  bilioni  197.4.

Akizungumza wakati wa hafla hiyo  ya ufunguzi   katika viwanja TPRI Mringa Estate - Ngaramtoni

Mhe.Rais Samia amewashukuru Wakuu wa Nchi nyingine  za Jumuiya ya Afrika Mashariki kwa kuhudhuria hafla hiyo ya ufunguzi ambapo amesema barabara hiyo itachochea maendeleo kutokana na shughuli za kiuchumi zitakazokuwa zinafanyika  ikiwa ni pamoja na  utalii.

Vilevile Mhe.Rais Samia baada ya kutoa wito wa utunzaji wa miundombinu ya barabara hizo ametumia hafla hiyo kuwakumbusha Watanzania kushiriki Sensa ya Watu na Makazi itakayo fanyika tarehe 23 Agosti 2022 ikilenga kupata taarifa sahihi za kidemografia, kijamii, kiuchumi na hali ya  mazingira kwa lengo la kupata takwimu sahihi zitakazoiwezesha Serikali na wadau wengine kupanga kwa usahihi mipango ya maendeleo.

Aidha, wilaya ya Arumeru imenufaika kupitiwa na barabara  hii yenye urefu wa km 42.4  ya mchepuo ya jiji la Arusha  (Arusha by pass)  .