BARAZA LA MADIWANI LATANGAZA NEEMA KWA WAFANYABIASHARA SOKO LA TENGERU

Imewekwa: September 8th, 2022

Halmashauri ya Wilaya ya Meru, Wilayani Arumeru inatarajia kutengeneza meza Mia sita kwa ajili ya wafanyabiashara wa soko la Tengeru ikiwa ni mikakati ya uboreshaji wa miundombinu ya masoko  na uwekaji mazingira rafiki ya kibiashara na kuimarisha vyanzo vya mapato.

Akizungumza wakati wa Mkutano wa baraza la Halmashauri hiyo  Mhe.Julius Mungure Diwani wa Kata ya Akheri amepongeza hatua zinazoendelea za uboreshaji wa Soko la tengeru ambapo mbali na Halmashauri  kufanya  ukarabati mdogo wa miundombinu katika  choo cha soko hilo  inaendelea na mchakato wa  kutengeneza  Meza 600 kwa ajili ya wafanyabishara.

Mhe.Mungure amesema utengenezaji huo wa meza Mia sita  unatija kubwa kwani utaondoa adha  waliyokuwa wanapata wananchi  ya kupanga bidhaa chini ambapo ameshauri meza zilizopo katika soko hilo kuboreshwa  ili ziendelee kutumika.

Awali, Mkurugenzi Mtendaji wa Halmashauri ya Wilaya ya Meru Mwl.Zainabu Makwinya amesema Halmashauri itatengeneza Meza mia sita kwa ajili ya wafanya biashara  wa soko la Tengeru ili kuongeza idadi ya meza katika soko hilo kwani huko nyuma Halmashauri ilishatengeneza meza 200 na baadhi zinaitaji ukarabati.

Vilevile Mwl.Makwinya  amesema uboreshaji huo ni pamoja ukarabati mdogo wa miundombinu ya choo cha  soko hilo, ambao umekua  nne ya  kiasi kilichokuwa kikikusanywa awali cha Shilingi laki moja na elfu ishirini kwa  mwezi.

Naye Mwenyekiti wa Halmashauri ya Wilaya ya Meru Mhe. Jeremia Kishili amesema  wakati  uboreshaji huo unaendelea ni muhimu kwa wafanyabiashara kufanya biashara kwa usalama kwa kuondoka maeneo ya barabarani na kuingia ndani ya soko.

Mkutano wa Baraza la Halmashauri  wa siku mbili umehitimishwa katika ukumbi wa Halmashauri ya Wilaya ya Meru.