BARAZA LA WAWAKILISHI ZANZIBAR LAPONGEZA UTEKELEZAJI WA MIRADI YA TASAF ARUMERU

Imewekwa: March 6th, 2023

Wajumbe  wa Kamati ya kusimamia viongozi Wakuu wa Kitaifa , Baraza la Uwakilishi la Zanzibar wamepongeza utekelezaji wa Miradi ya TASAF OPEC III katika Halmashauri ya Wilaya ya Meru ,Wilayani Arumeru na kutoa wito kwa jamii kutumia vizuri miradi hiyo ikiwa ni kuitunza ili idumu  na kuleta tija iliyokusudiwa.

Wajumbe hao wakiongozwa na Mwenyekiti wa kamati hiyo, Mhe.Machano Othman Said, wameipongeza Serikali ya Awamu ya Sita chini ya uongozi wa Mhe.Dkt.Samia Suluhu Hassan, Rais wa Jamhuri ya Muungano wa Tanzania kwa kuendeleza mpango wa TASAF OPEC III unaolenga  kumkwamua  Mwananchi kuondokana na umaskini

Machano amesema Mhe.Dkt.Samia Suluhu Hassan anahakikisha Watanzanua wote wanapata maendeleo ambapo  utekelezaji wa Mradi wa TASAF OPEC III na miradi mingine  kwa ujumla  ni jitihada za kudumisha Umoja, amAmani na Mshikamano kwa kuwaletea watanzania maendeleo " watumishi wa zahanati ya Kandashe wametoka mikoa mbalimbali kuja kuwahudumia na kupitia TASAF wamepata nyumba ya kuishi hivyo miradi imeendeleza umoja wetu sisi Watanzania"amesema

Naye Makamu mwenyekiti wa kamati hiyo, Mtumwa yusuph ambaye ni mwakilishi wa jimbo la bubwini ametoa wito kwa jamii kutimiza wajibu wao katika malezi sambamba na  kuitunza Miradi hiyo ya TASAF kuifanyia usafi ,kukarabati  kwa wakati ili kuepusha madhara makubwa sambamba  na kuwapa ushirikiano watumishi wanaopangwa kufanya kazi kwenye miradi hiyo " niwasihi wazazi tutekeleze jukumu letu watoto waende shule na tuhakikishe tunahusika katika malezi ya watoto kwani kizazi cha leo ndio tunachokitegemea kwa kesho" amesema

ikiwa ni siku ya kwanza ya ziara  yao  katika Halmashauri ya  Meru wametembelea miradi ya Ujenzi wa Vyumba vinne  vya madarasa shule ya msingi Noseiya, Ujenzi wa Zahanati ya Kandashe pamoja na ujenzi wa Nyumba ya Mtumishi zahanati ya Kandashe.

Naye Mkuu wa Wilaya ya Arumeru Mhe.Emmanuela Kaganda  amepongeza miradi  ya TASAF kufanyika vizuri

Wakizungumza kwa nyakati tofauti Wananchi wa Kijiji cha Kandashe wamesema miradi hiyo ya TASAF  ni mkombozi kwao kwani kupitia Zahanati ya Kandashe kwa sasa wanapata huduma za matibabu  masaa 24.