DC ARUMERU AAGIZA MIRADI KUKAMILIKA DESEMBA

Imewekwa: October 29th, 2021

Mkuu wa Wilaya ya Arumeru Mhandisi, Richard Ruyango ameagiza miradi iliyoletewa fedha na Serikali kiasi cha Shilingi  Bilioni 1.78  katika Halmashauri ya Wilaya ya Meru kukamilika kabla ya tarehe 10 Desemba 2021 na kwa ufanisi mkubwa.

Mhe.Ruyango amesema hayo  wakati wa kikao na Wakuu wa Idara na Vitengo wa Halmashauri ya Wilaya ya Meru ambapo amewataka kusimamia kwa karibu miradi hiyo na miradi yote iliyoletewa fedha na Serikali  hivi karibu "nawataka msimamie fedha  na utekelezaji wa  miradi yote iliyoletewa fedha na Serekali kwa ufanisi mkubwa "amehimiza Ruyango

Ruyango amempongeza Mhe.Rais Samia Suluhu Hassan kutoa Bilioni 1.4 fedha za mpango wa maendeleo dhidi ya UVIKO 19, kujenga vyumba 70 vya Madarasa katika Shule za Sekondari, Milioni 80(fedha za UVIKO -19) kujenga  bweni la wanafunzi wenye mahitaji maalum katika Shule ya Msingi  Patandi Maalum, Milioni 250 fedha za tozo za Simu  kwaajili ya ujenzi wa Kituo cha Afya Mareu,na Shilingi Milioni 50(fedha za tozo) kwaajili ya ukamilishaji wa maboma 2  katika  Shule za Sekondari

Naye, Mkurugenzi Mtendaji wa Halmashauri ya Wilaya ya Meru Mwl.Zainabu Makwinya amemshukuru Mhe.Rais Samia Suluhu Hassan kwa kutoa fedha hizo ambazo zimeshaingia katika  akaunti za Shule na akaunti ya Zahanati ya  Mareu na kuahidi kuzisimamia  ili miradi hiyo  kutekelezwa kwa  ubora.

Baadhi ya picha za tukio.

Mkuu wa Wilaya ya Arumeru Mhandisi Richard Ruyango ,Mkurugenzi Mtendaji wa Halmashauri ya Wilaya ya Meru Mwl.Zainabu Makwinya na Kushoto ni Mkuu wa Idara ya Utawala na rasilimali watu .

Wakuu wa Idara na Vitengo wakati wa kikao

Wakuu wa Idara na Vitengo wakati wa kikao

Wakuu wa Idara na Vitengo wakati wa kikao