DC ARUMERU AELEKEZA MIRADI YA BOOST KUKAMILIKA KWA WAKATI NA KWA UBORA

Imewekwa: June 1st, 2023

Mkuu wa Wilaya  ya Arumeru Mhe.Emmanuela Kaganda aelekeza miradi ya uboreshaji miundombinu katika shule za Msingi   kukamilika kwa Wakati na kwa ubora uliokusudiwa.

Mhe.Kaganda  amesema  hayo  wakati  wa ziara ya kukagua utekelezaji wa  Miradi  ya BOOST  katika Halmashauri ya  Wilaya  ya Meru ambapo  Serikali imetoa milioni  961.5 za  uboreshaji  miundombinu ya elimu kwenye Shule  za Msingi  .

Aidha, Mhe. Kaganda  amesema Serikali  ya Dkt.Samia  Suluhu  Hassan  imejipanga vyema kuendelea kuwaletea  wananchi wake maendeleo ambapo imetoa  fedha nyingi za maendeleo katika sekta ya elimu,afya, maji nk

Mhe.Kaganda  amewataka   wataalum wa Halmashauri hiyo kuhakikisha wanasimamia vyema utekelezaji wa miradi hiyo  kukamilika kwa wakati na kuwa na ubora uliokusudiwa kwani anmza ya Serikali ni kuwawezesha Watoto wa kitanzania kupata Elimu bora katika mazingira rafiki.