MKUU WA WILAYA YA ARUMERU AGEUKIA MAZINGIRA.

Imewekwa: February 1st, 2020

Mkuu wa Wilaya ya Arumeru ,Mkoani Arusha, Ndg. Jerry Muro ameagiza kusimamishwa kwa shughuli zote za kilimo na ufugaji kwenye Msitu wa Jamii  wenye ukubwa wa Hekari zaidi ya Elfu mbili  uliopo Kata ya Uwiro Halmashauri ya Wilaya ya Meru .      

Muro ametoa agizo  hilo wakati wa ziara yake ya kushtukiza kwa lengo la kusikiliza na kutatua kero na changamoto zinazowakabili wananchi wa wilaya ya Arumeru, ikiwa ni sehemu ya Agenda yake kwa mwaka 2020 kabla ya uchaguzi mkuu mwezi October 2020.

Aidha baada ya kubaini  uharibifu mkubwa uliosababishwa na shughuli za kilimo na ufugaji kwenye Msitu huo wenye zaidi ya Hekari Elfu Mbili amesema Serikali haipo tayari kuona eneo hilo linakuwa jangwa hivyo amezuia eneo hilo kutumika kwa shuguli za kibinadamu kwa   kipindi cha Miaka miwili.

Wananchi wa  na Viongozi wa Kata ya Uwiro wamempongeza Mkuu wa Wilaya ya Arumeru kwa kuzuhia uharibufu wa eneo hilo kwani itasaidia kurejesha uoto wa asili.

Aidha ziara hiyo ya Muro ambayo ni  katika Kata  zote 56 za Wilaya ya Arumeru.

Eneo hilo la jamii kwa Sasa litakuwa chini ya Uangalizi wa NGO ya Soledaridad.