DIWANI KATA YA KING'ORI AJIUZULU

Imewekwa: August 24th, 2018

Mkurugenzi Mtendaji wa Halmashauri ya Wilaya ya Meru ,Emmanuel Mkongo amethibitisha  kupokea barua ya kujiuzulu toka kwa Diwani wa Kata ya King'ori ,Ndg Peter Kessy.

Peter Kessy Amewaambia waandishi wa Habari  hana budi kuunga mkono juhudi za Mhe .Rais Dkt.John Joseph Pombe Magufuli katika kuwaletea Watanzania maendeleo. 

Hata hivyo amejivua uanachama wa Chama Cha Demokrasia na Maendeleo (CHADEMA) na kujiunga na Chama Cha Mapinduzi (C.C.M).

Diwani Peter Kessy ni Diwani wapili kujiuzulu ndani ya Mwezi huu ambapo Tarehe 18 mwezi huu Aliyekuwa diwani wa Kata ya Kikwe Paul Shango aliwasilisha kwa Mkurugenzi barua ya kujiuzulu  kwa kile alichodai ni kuiunga mkono  Serikali ya Awamu ya tano.

Halmashauri ya Wilaya ya  Meru inajumla ya Kata 26 hadi sasa jumla ya kata mbili Kikwe na King'ori hazina wawakilishi wa Ngazi ya Udiwani katika Baraza la halmashauri baada ya madiwani wake kujiuzulu nafasi hizo.