MBUNGE WA JIMBO LA ARUMERU MASHARIKI AKABIDHIWA CHETI CHA USHINDI (Certificate of election)

Imewekwa: May 19th, 2019

Msimamizi wa uchaguzi mdogo wa Ubunge Jimbo la Arumeru Mashariki, Ndg.Emmanuel Mkongo amemtangaza rasmi John D. Pallangyo wa chama cha Mapinduzi(CCM) kuwa Mbunge wa Jimbo la Arumeru Mashariki na kumkabidhi cheti cha ushindi.

Aidha Mkongo Amesema kwa mujibu wa kifungu namba 66 (2 )cha sheria ya uchaguzi wa Rais na Wabunge  ya  mwaka 2015 na kifungu namba  81(b) cha sheria ya Taifa ya uchaguzi sura namba 345 mshindi wa uchaguzi hukabidhiwa cheti siku ya uchaguzi.

Aidha Mkongo amefafanua kuwa Kwa mujibu wa kifungu  namba 45(2 )cha sheria za uchaguzi wa serikali za Mitaa,namba 4 ya mwaka 1979 sura 292.  John D.Pallangyo alipita bila kupingwa kati ya wagombea 11   baada ya zoeli la uchukuaaji na urejeshaji  fomu lililomalizika  tarehe 19 Aprili 2019.

Mbunge John D. Pallangyo anatarajiwa kuapishwa na Bunge la Jamhuri ya muungano wa Tanzania hivi karibuni.