HALMASHAURI YA MERU KUZAWADIWA GARI AINA NISSAN PATROL NA PIKIPIKI TAREHE 07/12/2017 BAADA YA KUWA MSHINDI WA KWANZA KWENYE KAMPENI YA KITAIFA YA USAFI WA MAZINGIRA

Imewekwa: December 5th, 2017

Halmashauri ya Meru kwa kipindi cha miaka 12 kuanzia( mwaka 2005 hadi 2016  ) ina historia ya kuwa kinara kwenye mashindano ya Kampeni ya Kitaifa ya Usafi wa mazingira inayohusu ujenzi na matumizi ya Vyoo bora  na unawaji wa mikono  kwa maji tiririka na sabuni.

Historia hii nzurii imetokana na kushika nafasi (tatu bora)mara kwa mara ikipata ushindi kwa nafasi ya kwanza mara 5,nafasi ya pili mara 2 na nafasi ya tatu mara 2  hivyo kupata zawadi mbalimbali ambazo ni Vikombe  6 vya Ushindi ,vyeti vya pongezi pamoja na vifaa ambavyo ni Scanner,Computer Desk Top na Piki piki 2.

Kwa mwaka huu 2017 katika kampeni hizi Halmashauri ya Meru imeongoza kwa asilimia 96 kwa kua mshindi wa kwanza Kitaifa kati ya Halmashauri  185 Tanzania bara  zilizoshindanishwa kwenye mashindano haya  ya Kampeni ya Kitaifa ya Afya na Usafi wa mazingira  yanayohusisha matumizi ya vyoo bora  na unawaji wa mikono.

Aidha  katika kutekeleza kampeni hiyo kwa upande wa Kijiji bora na Mtaa kwa usafi kiijiji cha Nambala Kilichopo Kata ya Kikwe Kwenye Halmashauri hii ya Meru kilishika nafasi ya pili kwa kupata asilimia 95.3 huku kijiji cha Kanikale Halmashauri ya Njombe kiishika nafasi ya kwanza kwa kupata asilimia 95.8

Kua Mshindi wa kwanza mwaka huu 2017 Halmashauri ya Meru inatarajia Kukabithiwa zawadi ya Gari aina ya (NISSAN PATROL ) na Pikipiki moja toka Wizara ya( Afya,Maendeleo ya Jamii ,jinsia,wazee  na watoo )na pikipiki  tarehe 07 Disemba 2017 ,tukio hili litafanyikia Dodoma .