HAFLA YA UTOAJI MOTISHA KWA WALIMU

Imewekwa: November 12th, 2021

Mkuu wa Wilaya ya Arumeru,Mhandisi, Richard Ruyango amewataka walimu wa wilaya hiyo  kufundisha zaidi wanafunzi sambamba na kuwajenga nidhamu ili waweze kuongeza ufaulu

Mhandisi Ruyango amesema hayo wakati wa hafla ya utoaji motisha chanya na hasi kwa matokeo ya mitihani ya Taifa ikiwemo utoaji wa sanamu za vinyago katika shule zilizofanya vibaya

Akizungumza na walimu hao jana katika halfa ya utoaji wa motisha kwa walimu na shule za  Ruyango alisema kuwa endapo walimu hao wakifundisha vema ufaulu wa watoto ikiwemo nidhamu vitakuwepo

Pia. Amesisitiza  fedha zilizotolewa na Mhe.Rais Samia Suluhu Hassan za ujenzi wa madarasa zitumiwe vema ili kuondoa changamoto ya ukosefu wa vyumba vya madarasa katika wilaya ya Meru

Naye Afisa Elimu Sekondari Wilaya ya Meru,Emmy Mfuru amewapongeza walimu hao kwa ufaulu mzuri ikiwemo kushika nafasi mbalimbali kimkoa na kitaifa ikiongozwa na shule ya sekondari ya Kisimiri

Mfuru amesema  Halmashauri ya wilaya ya Meru inajumla ya shule za sekondari 66 kati ya hizo shule 37 ni za serikali na shule 29 ni zisizo za serikali ambapo idadi ya  wanafunzi 24,186 huku wavulana wakiwa ni 11,576 na wasichana ni 12,607 kwa ujumla .

Vilevile Mfuru ameeleza kuwa wameamua kutoa motisha ya vinyago kwa shule ambazo zimefanya vibaya  kuwapa hamasa ya kuongeza ufaulu zaidi na kusisitiza zawadi hizo zitakuwa za mzuunguuko

Hafla hiyo imeenda sanjari na ugawaji wa fedha kwa walimu wa  masomo ambayo  wanafunzi wamefaulu, Pia na kutoa mchele  kilo 25 kwa shule binafsi na za serikali zilizofalisha vema na zawadi ya makombe ya ushindi kwa shule zikizofaulisha

Baadhi ya walimu hao akiwemo,Staraton Shao kutoka shule ya sekondari Ngabobo na Hilda Mally walishukuru kwa zawadi hizo sanjari na kuahidi kutoa ushirikiano kwa wanafunzi ikiwemo ongezeko la ufaulu ili kuondoa aibu kwa baadhi ya shule zilizoambulia vinyago .