HALMASHAURI YA MERU YAADHIMISHA SIKU YA UPANDAJI MTI KWA KUPANDA MITI ELFU 5 KWENYE CHANZO CHA MAJI MTO NDURUMANGA LEGANGA.

Imewekwa: March 28th, 2018

Halmashauri ya Wilaya ya Meru imeadhimisha  siku ya upandaji miti kwa kupanda miti elfu 5 kwenye chanzo cha maji cha Mto ndurumanga Leganga .

Kaimu Mkuu wa Wilaya ya Arumeru  Mhe.Idd Kimanta ambaye ni mgeni rasmi kwenye maadhimisho ya upandaji miti  kwenye Halmashauri ya Wilaya ya Meru amepongeza juhudi za Halmashauri hiyo kwenye upandaji na utunzaji wa miti pamoja na utunzaji wa mazingira na kuiagiza kuhakikisha miti iliyopanda inalindwa na kutunzwa ili iendelea kukua.  

Mhe.Kimanta amemwagiza Afisa Maliasili wa Halmashauri hiyo kusimamia sheria ili kuhakikisha misitu pamoja na vyanzo vya maji vinalindwa ipasavyo.

Afisa maliasili wa Halmashauri hiyo Charles R. Mungure amesema  kwa msimu wa mvua wa Julai hadi Disemba 2017 jumla ya miche ya miti laki  686,000 ilipandwa na katika msimu huu Ofisi ya Mkurugenz Mtendaji wa Halmashauri hiyo imesambaza jumla ya miche elfu 51 kwenye  Kata zake na Vijij na zoezi hilo la usambazaji na upandaji miti  linaendelea ili kufikia lengo la taifa kwa kila Halmashauri kupanda Miti milioni 1.5 kwa kipindi cha mwaka mmoja.

PICHA ZA TUKIO.

Kaimu Mkuu wa Wilaya ya Arumeru  Idd Kimanta akipanda mti wakati wa maadhimisho ya siku ya upandaji mti kwenye Halmashauri ya Wilaya ya Meru.

Kaimu Mkurugenzi wa Halmashauri ya Wilaya ya Meru Dkt.Aman Sanga akiandaa mti kwaajili ya kuupanda wakati wa upandaji mti kwenye Chanzo cha maji cha mto Ndurumanga 

Afisa maliasili wa Halmashauri ya Wilaya ya Meru Charles R. Mungure akipanda mti wakati wa maadhimisho ya siku ya upandaji mti kwenye Halmashauri hiyo.

Watumishi wa Halmashauri ya Wilaya ya Meru wakiwa kwenye harakati za kupanda mti wakati wa maadhimisho ya siku ya upandaji mti kwenye Halmashauri hiyo.

Katibu wa UVCCM wilaya ya Meru Mukzin Zikatimu akijiandaa kupanda mti wakati wa maadhimisho ya upandaji mti katika Halmashauri ya Wilaya ya Meru.

Afisa maendeleo ys jamii kutoka Bonde la Pangani amesema majukumu yao ni pamoja na usimamizi vya maji juu na chini ya ardhi pia kulinda na kuzuia uchafuzi na kuhakikisha maji yanapatikana hivyo ni wadau walio mstari wa mbele kwenye suala zima la mazingira

Tito Kitomari ambaye ni mwenyekiti wa umoja wa watumia maji Kikuletwa amesema upandaji mti huo ni ujumbe kwa jamii kuwa vyanzo vya maji vinnatakiwa kutunzwa.

Emmanuel Judica ambaye ni mwanafunzi wa Darasa la 7 katika shule ya Msingi Nshupu akidhibitisha utunzaji wa mazingira ni jukumu la kila mtu .

Samweli W. Kinga ambaye ni mwananchi mkazi wa kitongoji Cha Makadirisho kinachopakana na chanzo cha maji cha Mto Ndurumanga ametoa wito kwa wananchi wengine kuacha shughuli zote zinazoleta uharibifu wa vyanzo vya maji  na uaribifu wa mazingira .