Mkuatano wa baraza la Halmashauri tarehe14-15 Agusti 2017

Imewekwa: August 18th, 2017

Mwenyekiti wa Halmashauri ya meru  Bw. Willy Njau amesema ushirikiano na umoja uliopo ndio umepelekea Halmashauri  Mkupata hati safi katika ukusanyaji wa mapato.Akizungumza na waandishi wa habari  katika halmashauri  hiyo muda mfupi baada ya kuhitimisha kikao cha baraza Bwana Njau amesema kuwa  Halmashauri hiyo imefanikiwa kukusanya  mapato kwa asilimia 98 ambapo wamevuka lengo lililokusudiwa .

Bwana Njau amesema mbinu zilizotumika hadi kufikia lengo hilo ni pamoja na timu ya ukusanyaji wa mapato kuwa nzuri ambapo wameonyesha ushirikiano katika zoezi la  ukusanyaji  huku akisema kuwa  mwaka Jana walikusanya kwa asilimia 87 jambo ambalo amesema kwa mwaka wa fedha 2016/17 wamefanikiwa kukusanya mapato kwa asilimia 98.

Amesema  kiwango cha serikali kilichopangwa ni asilimia 80 ili Halmashauri kuweza kupata ruzuku kwa asilimia 100 kutoka serikali kuu  ambapo amesema Halmashauri hiyo imevuka lengo kwa kukusanya zaidi ya asilimia 98.

Amesema wamejipanga   kwa mwaka wa fedha wa 17/ 18 kuhakikisha wanakusanya mapato zaidi ambapo amesema  ili kufikia lengo husika wanaboresha kamati ya fedha na pia   kuhamasisha zaidi wananchi katika swala la  ulipaji kodi.