Halmashauri ya Wilaya ya Meru yaongoza matokeo ya kidato cha Sita mwaka 2020.

Imewekwa: August 21st, 2020

Shule ya Sekondari Kisimiri ,iliyopo Halmashauri ya Wilaya ya Meru ,Wilayani Arumeru  yashika nafasi ya kwanza kitaifa  katika matokeo ya kuhitimu kidato cha Sita mwaka 2020 ambapo wanafunzi  wote walio hitimu wamefaulu kwa  kupata daraja la kwanza  (Division one).

Shule hii imeshika Nafasi  ya kwanza kitaifa kwa mara mbili mfululizo na imekuwa katika nafasi kumi za kwanza kitaifa (top ten) kwa kipindi cha miaka 10 mpaka sasa.

Mkurugenzi Mtendaji wa Halmashauri  hiyo Ndg.Emmanuel J. Mkongo  amewapongeza Idara ya Elimu kwa usimamizi na Walimu wa Shule hiyo kwa uwajibikaji wenye tija pia amesema mafanikio hayo ni matokeo ya utendaji shupavu wa Serikali ya awamu ya Tano chini ya uongozi shupavu wa Mhe. Dkt.John Pombe Joseph Magufuli Rais wa Jamhuri ya  Muungano wa Tanzania "nawapongeza sana Walimu washule ya Sekondari Kisimiri kwa utendaji wenye tija"amesema Mkongo.

Mkuu wa shule hiyo .Mwl.Valentine Tarimo amesema siri ya kufanya vizuri kwa  Shule hiyo ni ushirikiano wanaoupata kuanzia ngazi ya Wilaya sambamba na Walimu Kufanya kazi kwa kujituma pia shule hiyo imeweka mpango  wa kufanya vizuri kitaalum kwa kuwa na mkakati ,utekelezaji wa Mikakati na usimamizi makini  .