JAMII YAHIMIZWA UNYONYESHAJI WATOTO WACHANGA

Imewekwa: August 7th, 2022

Halmashauri ya Meru  imeungana na mataifa mengine , kuadhimisha wiki ya Unyonyeshaji Dunia, kwa kuikumbusha jamii umuhimu wa unyonyeshaji maziwa ya mama kwa watoto wachanga na lishe bora kwa mama anayenyonyesha .

Akizungumza katika wiki ya unyonyeshaji iliyonza tarehe 01 hadi 07 Agosti Kaimu Afisa Lishe wa Halmashauri ya Wilaya ya Meru Stela Maya ametoa wito Kwa wanawake kunyonyesha watoto wachanga kwa kipindi cha miezi sita bila kuwaanzisha vyakula vingine kwani maziwa ya mama hutoa virutubisho vyote ambavyo mtoto mchan­ga anahitaji na kuwalinda kutokana na magonjwa na maambukizi mbalimbali ambapo amehimiza baada ya miezi sita mtoto ataendelea kunyonyeshwa kwa miaka miwili au zaidi.

Aidha Maya amesema watoto ambao hawan­yonyeshwi katika miaka ya kwanza ya maisha wana uwezekano mkubwa wa kushambuliwa nw  magonjwa.Pia ameeleza mama anayenyonyesha, anapaswa kula makundi  matano ya vyakula ili kupata virutubisho vya kutosha  wakati wa unyonyeshaji, ambavyo huwezesha mwili wake kutengeneza na kutoa maziwa ya kutosha kadri mtoto anavyohitaji.

Miongoni mwa kina mama waliohudhuria elimu katika wiki ya unyonyeshaji wamesema  ni muhimu kwa kinamama kuwapa watoto haki yao ya kunyonya ili watoto kukua vizuri "wamama tunyonyeshe tuwasaidie watoto wetu kukua vizuri na kuwa na afya nzuri "amehimiza Ndeshifose Mkazi wa Malula