KATIBU MKUU WA CCM ASIKILIZA KERO ZA WANA ARUMERU

Imewekwa: June 4th, 2024

Katibu Mkuu wa Chama Cha Mapinduzi Balozi Dkt. Emmanuel Nchimbi amesikiliza kero za wananchi wa Halmashauri ya Wilaya ya Meru Kata ya Usariver akiwa katika ziara yake ya kukagua utekelezaji wa Ilani ya Chama cha Mapinduzi na kusikiliza kero za wananchi katika Halmashauri hiyo.

Katibu Mkuu wa Chama cha Mapinduzi balozi Daktari Nchimbi, ametoa maelekezo mbalimbali kwa viongozi kuhakikisha kero zote za wananchi zinatatuliwa na kufanyiwa kazi kwa wakati.

Katika ziara hiyo, Dkt . Nchimbi ameambatana na Katibu wa Halmashauri Kuu ya CCM Taifa (NEC), Itikadi, Uenezi na Mafunzo, Komredi Amos Gabriel Makalla na Katibu wa NEC, Siasa na Uhusiano wa Kimataifa (SUKI), Rabia Hamid Abdalla.

Balozi Dkt. Nchimbi amemaliza ziara yake kwa Mkoa wa Arusha kuelekea Mkoa wa Kilimanjaro.