MAADHIMISHO YA SIKU YA KUJITOLEA DUNIANI

Imewekwa: December 5th, 2021

Mkurugenzi Mtendaji wa Halmashauri ya Wilaya ya Meru Mwl.Zainabu Makwinya  ametoa wito kwa Mashirika na  Asasi zisizo za Kiserikali kushirikiana na Halmashauri hiyo katika maswala mbalimbali ya maendeleo " tunashukuru Mashirika mbali mbali likiwemo Shirika la DSW kwa Kushirikiana nasi wakati wa mlipuko wa UVIKO-19 sambamba na kuhamasisha juu ya Afya ya uzazi ,niwakaribishe wadau wa maendeleo na  Mashirika kushirikiana na Halmashauri katika maswala mbalimbali ya kimaendeleo "amesema Makwinya .

Mwl.Makwinya amesema hayo katika maadhimisho ya siku ya  kujitolea Duniani yenye Kauli mbiu ya "kujitolea kwa ajili ya mustakabali wa pamoja " yanayofanywa na Shirika la DSW  kwa Kushirikiana na UNV .

Maadhimisho  hayo  yanayoendelea katika Makao Makuu ya DSW na  hufanyika kila Mwaka tarehe 5 Desemba, ambapo kwa  Mwaka huu  yanalenga kuhamasisha Mashirika ya Umoja wa Mataifa, Asasi za Kiraia na Serikali kwa ujumla  kujitole ili kudumisha amani, maendeleo ya Kitaifa na Kimataifa , yenye Kauli mbiu ya "JITOLEE SASA KWAAJILI YA MUSTAKABALI WA PAMOJA"   .

Aidha, Mgeni Rasmi ni Balozi wa Uganda NchiniTanzania Richard Kabonero.

Ikumbukwe, Siku ya kimataifa ya  kujitolea  ilipitishwa na Baraza Kuu la Umoja wa Mataifa kupitia azimio la tarehe 1 Desemba 1985 na kwa mujibu wa Shirika la kujitolea la Umoja wa Mataifa zaidi ya watu Bilioni Moja hujitolea Duniani Kote.

Aidha  Kazi nyingi za kujitolea  sio rasmi kwani karibu asilimia 70%ya watu wanaojitolea wanafanya Kazi katika jumuia zao ili kuwasaidia watu wanaowazunguka.

Mwl.Zainabu Makwinya ,Mkurugenzi Mtendaji wa Halmashauri ya Wilaya ya Meru wakati wa maadhimisho ya siku ya kujitolea Duniani. 

Meza Kuu wakati wa Maadhimisho ya Siku ya kujitolea Duniani