MERU ,VIJANA WASHIRIKI SHUGHULI ZA KIJAMII KUELEKEA SIKU YA VIJANA DUNIANI

Imewekwa: August 10th, 2022

Kuelekea siku ya vijana Duniani tarehe 12 Agosti 2022 vijana  toka Hamashauri ya Wilaya ya Meru wameshiriki shughuli za kijamii kwa kufanya usafi  katika kituo cha afya Usa -River  pamoja na kuwafariji wagonjwa .

Wakizungumza kwa nyakati tofauti  vijana hao wamesema  wanajivunia kuwa vijana na watatumia umri wao kuisaidia jamii na nchi kwa kufanya kazi kwa bidii "sisi ni vijana wa leo na wazee wa kesho hatuna budi kuutumia ujana wetu kuisaidia jamii inayotuzunguka na nchi yetu kwa  ujumla"Amesema Michael Nnko miongoni mwa vijana waliojitokeza kushitiki usafi

Mwakilishi wa Mkuu wa Idara ya maendeleo ya Jamii  Halmashauri hiyo Bi.Regina Tilya ametoa wito kwa vijana kuwa mstari wa mbele  kushiriki shughuli za kijamii na za maendeleo ambapo pia amewakumbusha  wazazi  kuwa  vijana bado wanahitaji malezi na ushauri ili kuwa na jamii bora yenye maadili na ustawi mzuri.

Vilevile  Vijana  hao kwa   kwa kushirikiana na mashirika  yasiyokuwa  ya kiserikali  ya SOS  CHILIDREN'S VILLAGES, VOICE OF YOUTH  TANZANIA, DUSAFO, SAVE AFRICA TANZANIA ,TAMIHA, KAMBELE wametoa msaada kwa wagonjwa waliolazwa katika kituo hicho cha afya ili kutoa motisha kwa vijana kuendelea kuwa msaada ndani ya jamii.

Mmoja wa wadau wa mashirika hayo Bw. Philipo Namanga Afisa vijana kutoka shirika la SOS  Childeren's Villages Arusha amewataka vijana  kuwa mstari wa mbele katika kushiriki shughuli za kijamii ikiwa ni pamoja na wakuwatembelea watu wenye uhitaji maalumu nakuwapatia msaada pale wanapohitaji.

Akizungumza kwa niaba ya Daktari wa kituo cha afya Usa River  Pascal Urio ambaye ni mtaalum wa dawa za usingizi  Amewashukuru vijana na  mashirika hayo kwa kuweza kufanya usafi katika hospitali hiyo pamoja na kutoa msaada kwa wagonjwa waliolazwa.

Maadhimisho ya siku ya vijana katika halmashauri ya Wilaya ya Meru yatafanyika tarehe 12  Agost 2022 katika ukumbi wa MS TCDC.

KILA MMOJA ANAHUSIKA KATIKA KUJENGA UCHUMI IMARA ,USTAWI NA MAENDELEO ENDELEVU ,JIANDAE KUHESABIWA