MERU WAADHIMISHA SIKU YA MASHUJAA KWA KUFANYA USAFI WA MAZINGIRA, KUPANDA MITI

Imewekwa: July 25th, 2022

Mkuu  wa Wilaya ya Arumeru Mhandisi Richard Ruyango amewaongoza wananchi na Watumishi  wa Halmashauri ya Wilaya ya Meru  kuadhimisha siku ya mashuja kwa kupanda miti kwenye chanzo cha maji Ndurumanga pamoja na kufanya Usafi wa Mazingira .

Mhandisi Ruyango  amesititiza mshikamano , amani na uzalendo  kwani  Mashujaa walijitolea maisha yao kwa ajili ya nchi yetu hivyo wananchi wanawajibu wa kuwa walinzi wa kwanza wa nchi yao kwa kutoa taarifa zitakazo saidia kulinda  na kudumisha amani  iliyopo.

Aidha Mhe.Ruyango amesema ili shughuli hizi za kijamii zilizofanyika kuwa na tija ni muhimu swala la usafi  kuimarishwa  kwa kila mwananchi kuhakikisha eneo lake ni safi  sambamba na utunzaji wa  miti na vyanzo vya maji  " nielekezi ili usafi huu kuwa na tija kila ofisi na maeneo ya biashara kuwe na vyombo vya kuhifadhi taka ili kuepuka utupaji hovyo wa taka na uchafuzi wa mazingira"amehimiza Mhandisi Ruyango.

Mkurugenzi Mtendaji wa  Halmashauri ya Wilaya ya Meru Mwl.Zainabu Makwinya amesema ni muhimu  uzalendo Mkubwa wa mashujaa waliojitolea uhai kwa ajili ya nchi yetu kurithishwa kwa vizazi  vijavyo ambapo ushiriki wa wanafunzi mwakani ni muhimu.

Aidha Mwl.Makwinya amesema katika kuwakumbuka mashujaa miche ya miti 200 imepandwa  kwenye chanzo cha Maji Ndurumanga pia wadau  wa mazingira wa mechangia miche mia nane ambapo ameelekeza wananchi wananchi kuchuku miche ya miti hiyo  kwenda kupanda majumbani kama  ukumbusho wa mashujaa wetu. Mwl.Makwinya amesema  kwa mwaka 2021/2022 zaidi ya miche Milioni  1.5 ilipandwa ndani ya Hlmashauri ya Meru.

Mhe.Jeremi Kishili amewapongeza  wananchi  na watumishi kushiriki maadhimisho hayo ambapo amehimiza mshikamani.

Madhimidho hayo ya siku ya mashujaa katika Halmashauri ya Meru yamefanyika kwa kupanda miti 200 katika chanzo cha maji Ndurumanga na kufanya Usafi  eneo la Halmashauri na maeneo ya kituo cha daladala Leganga