MERU YAADHIMISHA MIAKA 60 YA UHURU KWA BONANZA UHAMASISHA CHANJO UVIKO-19

Imewekwa: December 9th, 2021

Halmashauri ya Wilaya ya Meru ikiwa ni Siku ya miaka 60 ya uhuru kwa Kushirikiana na wadau mbalimbali imeandaa Bonanza la kuhamasisha chanjo ya Uviko-19 ambapo kumekuwa na  michezo ya Mpira wa miguu  na kukimbiza kuku sambamba na maonyesho mbalimbali

Mkurugenzi Mtendaji wa Halmashauri ya Wilaya ya Meru Mwl.Zainabu Makwinya ametoa wito kwa jamii kuchukua tahadhari ya Uviko-19 kwa kupata Chanjo "nipongeze timu zote zilizoshiriki Mpira wa miguu na mbio za kukimbiza kuku ,ikiwa Leo ni siku ya Miaka 60 ya uhuru niwasihi tuishi ndani ya kaulimbiu ya maadhimisho ya Siku hii ambayo  MIAKA 60 YA UHURU TANZANIA IMARA, "amehimiza Makwinya

Mwl .Makwinya amesema mafanikio ya miaka 60 ya uhuru katika Halmashauri hiyo ni pamoja na uwepo wa Hospitali mbili, Vituo vya afya Kumi ,Zahanati 32 ,Shule za Sekondari 66 (za serika 37 zisizo za Serikali 29), Shule za Msingi  173 (za Serikali  116 na zisizo za Serikali 57).

Mganga Mkuu wa Halmashauri hiyo Dkt.Maneno Focus amesema kwa sasa chanjo za UVIKO-19 inapatikana katika vituo vyote vya kutolea huduma za  afya ambapo ametoa wito kwa jamii kuchukua tahadhari ya Uviko-19 kwa kupata Chanjo .

Diwani wa Kata ya kikwe Mhe.Daniel Kaaya ameishukuru Serikali kwa kuleta  chanjo hiyo  ya UVIKO-19 ,ambapo amewasihi Wananchi kuchukua tahadhari kwa  kupata Chanjo

Aidha Timu ya Meru Veteran Imeibuka mshindi  kwa kuifunga timu ya watumishi wa Chuo cha Maendeleo ya jamii Tengeru kwa bao moja katika bonanza hilo  la kuhamasisha jamii kuchukua tahadhari ya Uviko-19 kwa kupata Chanjo katika Uwanja wa Ngarasero Usa-River ambapo kwa upande wa mbio za kukimbiza kuku Renatus Magembe toka timu ya Walimu ameibuka mshindi.

Afisa michezo Halmashauri Daniel Nanyaro amesema jamii haina budi Kushiriki Michezo mbalimbali kwaajili ya kuimarisha afya "Michezo ni afya na huimarisha mahusiano kwani  huleta umoja katika maeneo ya kazi na  jamii kwa ujumla "amesema Nanyaro Baadhi ya picha za tukio.

Mkurugenzi Mtendaji wa Halmashauri ya Wilaya ya Meru Mwl.Zainabu Makwinya akikabidhiwa kikombe Cha ushindi kwa timu ya Meru VETERANS