MATUNDA YA MILIONI 500 ILIYOTOLEWA NA SERIKALI KWENYE UBORESHAJI WA KITUO CHA AFYA USA-RIVER

Imewekwa: March 19th, 2018

Muonekano wa sasa wa  kituo cha Afya Usa - River ni matumaini  ya utatuzi wa upatikanaji wa huduma bora  za afya kwa wananchi wa Kata ya Usa- river,muonekano huu unatokana na ujenzi wa miundombunu mbalimbali ulioanza mwezi Februari.

Aidha Serikali katika kuhakikisha wananchi wake wanapata huduma bora za afya kwenye umbali mdogo ilitoa fedha kiasi cha Tsh.milioni 500  kwa vituo  vya afya 200 kwaajili ya uborehaji wa miundombinu.

picha zifuatazo zinaonesha baadhi ya matumizi ya milioni 500 iliyotolewa kwa kituo cha Afya Usa-river .

Picha ya jengo la upasuaji pindi litakapoanza kutumika kwa kiasi kikubwa litapunguza vifo vitokanavyo na uzazi pamoja na msongamano wa wagonjwa kwenye Hospitali ya Wilaya.

Jengo la wodi ya Mama na Mtoto ,pindi litakapo kamilika kinamama zaidi ya 40 watakaojifungua kwenye kituo hicho wataweza kupata malazi kwa wakati mmoja  kwani kutakua na wodi 2.

Jengo la Maabara litaongeza  huduma za uchunguzi wa kimaabara  .

Nyumba ya mtumishi itaboresha mazingira ya mtumishi kufanya kazi kwenye mazingira rafiki hivyo huduma za dharura kupatikana kwa urahisi.

Kichomea taka kitasaidia usafi wa mazingira.

Jengo la kuhifadhia maiti litapunguza adha ya upatikanaji wa huduma ya kuifadhi maiti.