MKURUGENZI MERU AFANYA ZIARA HOSPITALI YA WILAYA

Imewekwa: October 19th, 2021

Mkurugenzi Mtendaji wa Halmashauri ya Wilaya ya Meru Mwl.Zainabu Makwinya amefanya  katika Hospital ya Wilaya ya Meru kwa kupita vitengo  mbalimbali na kujionea changamoto zilizopo ili kuzifanyia kazi ikiwa ni mkakati wa uimarishaji wa utoaji huduma bora za afya.

Katika Ziara hiyo Mwl.Makwinya ametoa wito kwa watumishi wa Sekta ya Afya kuendelea kufanya Kazi kwa uadilifu mkubwa kwani  Serikali imeweka nguvu kubwa kuboresha Sekta ya Afya Ambapo hivi karibuni imetenga shilingi Milion 550 ikiwa Milioni 300 kwaajili ya ujenzi wa Jengo la dharura katika Hospitali hiyo  na   Shilingi Milioni 250 ni kwaajili ya ujenzi wa Kituo cha Afya Mareu kilichopo katika Halmashauri hiyo.

Aidha,Mwl.Makwinya amesema ziara hiyo imetoa  fursa pia kwa watumishi wa afya kutoa changamoto zinazowakabili ambapo wangelazimika  kumfuata Mkurugenzi huyo ofisini.

Kwa upande wa Watumishi wa Hospital ya Wilaya ya Meru  wamemshukuru Mkurugenzi Zainabu  kuwatembelea na imekuwa seheme ya kufahamiana .