MKUU WA IDARA YA UTAWALA NA RASILIMALI WATU AWATAKA WATUMISHI KUTOKUFANYA KAZI KWA MAZOEA

Imewekwa: August 23rd, 2018

Mkuu wa Idara ya Utawala na Rasilimali watu Halmashauri ya Wilaya ya Meru, Grace Mbilinyi amewataka watumishi wa idara hiyo kutokufanya kazi kwa mazoea.

Mkuu huyo wa Idara ya utawala  amesikitishwa na  uwepo wa baadhi ya watumishi ambao hawajakamilisha ujazaji wa fomu za mfumo wa  wazi wa mapitio na tathimini ya utendaji kazi (OPRAS)mwaka 2017/2018 na 2018/2019 ,ambayo humwezesha mtumishi kupanga malengo na kuwajibika .

Akizungunza wakati wa kikao cha watumishi wa Idara hiyo, Grace Mbilinyi amewaagiza watumishi ambao hawajakamilisha ujazaji wa fomu za OPRAS kukamilisha mara moja, pia amewaonya  watumishi wanaochelewa kwenye vituo vyao vya jazi  kuacha tabia hiyo kwani ofisi yake haitosita kuwachukulia hatua za kinidhamu. “ nguzo ya kutekeleza majukumu yenu ni kwa kuzingatia maadili ya utumishi wa umma” Ameeleza  Grace Mbilin yi. 

Blandina Denis ambaye ni Mtendaji  wa Kijiji cha Nrumangeny ameipongeza Idara  hiyo kwa kuitisha vikao hivyo vyenye tija kwenye utendaji  na uwajibikaji wa mtumishi  pamoja na kuwapa mafunzo ya mara kwa mara ya kuwajengea uwezo wa  kutekeleza majukumu.

Aidha Idara ya Utawala na Rasilimali watu imekuwa ikitoa ufahamu na elimu  juu ya ujazaji wa fomu za  OPRAS  pale mtumishi anapoajiriwa na watumishi ukumbushwa mara kwa mara kupitia vikao vya idara .

Kikao hicho kimefanyika katika ukumbi wa Halmashauri ya Wilaya ya Meru.

Mkuu wa idara ya Utawala na Rasilimaliwatu Grace Mbilinyi akizungumza wakati wa kikao cha idara hiyo.

 Afisa Utumishi Edward Chitete (kulia) na Afisa Utumishi Lucy Kira ,wakati wa kikao cha idara.

Watumishi wa Idara ya Utawala na Rasilimaliwatu wakati wa kikao cha Idara hiyo.

Watumishi wa Idara ya Utawala na Rasilimaliwatu wakati wa kikao cha Idara hiyo.

Watumishi wa Idara ya Utawala na Rasilimaliwatu wakati wa kikao cha Idara hiyo.

Watumishi wa Idara ya Utawala na Rasilimaliwatu wakati wa kikao cha Idara hiyo.