SEMINA ELEKEZI YATOLEWA KWA WATUMISHI WAPYA

Imewekwa: November 29th, 2017

Watumishi wapya 16 waliofuzu usaili wa nafasi ya Mtendaji wa Kijiji,Katibu Mhutasi,Dereva na Msaidizi wa Hesabu, uliofanywa na Halmashauri ya Meru Tarehe 09 -10 Octoba 2017 wafundishwa maadili ya utumishi wa Umma  pamoja na kupata elimu ya kina juu ya kutekelezamajukumu yao  kwa ufanisi pamoja na kujaza Fomu za Mkataba wa Ajira Serikalini pia kukamilisha ujazaji wa fomu na taarifa zote zilizokua zinahitaji.

Aidha Semina hii imefanywa na Halmashauri ya Meru kupitia idara ya Utumishi na Rasilimali watu ikiwa ni baada ya vyeti vya watumishi hawa kuhakikiwa na Baraza la Mtihani Tanzania (NECTA) na kuthibitika kua ni halali.

Akizungumza na watumishi mkuu wa Idara ya Utumishi na Rasilimali watu Grace A. Mbilinyi amewasisitiza watumishi hao kutumia mafunzo haya yatakayo wawezesha kufanya kazi kwa kuzingatia Sheria ,Kanuni Na Taratibu za Utumishi wa Umma.

Aidha Semina hii elekezi kwa watumishi  wapya imefanyika kwa siku mbili Tarehe 28-29 Novemba kwenye Ukumbi wa Halmashauri hiyo