Shilingi Milioni 160 za mapato ya ndani kukamilisha vyumba vya madarasa.

Imewekwa: January 5th, 2021

Halmashauri ya Wilaya Meru kupitia fedha za mapato yake ya ndani (Own Source) imetumia zaidi ya  Shilingi Milioni 160  kununua vifaa vya ujenzi. Vifaa hivyo vinajumuisha Bati 1860 yaliyonunuliwa kwa shilingi 48,259,004.51,Mbao shilingi 64,598,752.00 na  Saruji mifuko 3325 kwa shilingi 48,212,500 kwaajili ya ukamilishaji wa vyumba vya Madarasa.

Mikakati hii ya ununuzi wa vifaa kwa jumla (bulk procurement) ni utekelezaji wa agizo la Serikali la kuhakikisha wanafunzi wote waliochaguliwa kujiunga na kidato cha kwanza mwaka 2021  wanaanza masomo mapema.

Aidha, katika Halmashauri ya Wilaya ya Meru idadi ya wanafunzi 6,851 walichaguliwa kujiunga kidato cha kwanza kati yao 5216 wamepangwa kwa awamu ya kwanza na 1,635  wanasubiri kupangwa kwa awamu ya pili baada ya vyumba vya madarasa kukamilika.

Aidha , kumekuwa na ongezeko la wanafunzi wanaojiunga na kidato cha kwanza kutokana na kupanda kwa ufaulu kutoka asilimia  92.02 mwaka 2019 hadi 93.22 katika mtihani wa kumaliza  elimu ya Msingi mwaka 2020. Bofya