Ombi la Mkuu wa Wilaya ya Arumeru kwa Katibu Mkuu utumishi juu ya ujenzi wa stendi ya kisasa ya Mabasi Maadira.

Imewekwa: September 14th, 2019

Mkuu wa Wilaya ya Arumeru ,Jerry Muro ameiomba Serikali kuwezesha  ujenzi wa stendi ya kisasa ya Mabasi Maadira  iliyopo Halmashauri ya Wilaya ya Meru  Wilayani humo kwa kueleza kuwa mradi huo unamanufaa makubwa kwa Wananchi wa Halmashauri ya Wilaya ya Meru ambapo pindi utakapoanza utatoa ajira kwa vijana na ukikamilika utaongeza hali ya kipato , kuboresha hali za maisha na kuongeza mapato yatakayotumika kuboresha huduma mbalimbali katika sekta ya  Afya ,Elimu na Maji.

Aidha Muro ametoa ombi kwa Katibu Mkuu Ofisi ya Rais Tawala za Mikoa na Serikali za Mitaa, Eng.Joseph Nyamhanga  wakati wa ziara yake Wilayani humo kwa kumsihi  kupitisha andiko la mradi huo wa ujenzi Stendi ya Mabasi Madiira katika Halmashauri ya Wilaya ya Meru, nakueleza kuwa ni wenye manufaa makubwa kiuchumi kwa Halmashauri ya Wilaya ya Meru

Akisoma taarifa ya Mradi wa Stendi ya Mabasi Maadira, Afisa Mipango wa Halmashauri ya Wilaya ya Meru Bw. Maarufu Mkwaya ameeleza kuwa Halmashauri hiyo iliwasilisha  andiko la kuomba bilioni 10 Kama awamu ya kwanza ya utekelezaji wa Mradi huo ambao ukikamilika utatoa huduma kwa wananchi ikiwemo ya mabasi ya mikoani, kituo cha daladala, kituo cha taxi pamoja na maduka na huduma za kibenki pia mapato ya zaidi ya Shilingi bilioni 2.6  yatapatikana kila mwaka.

Eng.Joseph Nyamhanga  amesema Serikali inania thabiti  ya kuwaletea maendeleo wananchi wake kwani kwa awamu ya pili imetoa Shilingi Bilioni 137.3 kwaajili ya ujenzi wa Miradi ya kimkakati kwenye Halmashauri mbalimbali Nchini.

Naye MKurugenzi Mtendaji wa Halmashauri ya Wilaya ya Meru Ndg.Emmanuel Mkongo amesema  mradi huo utaleta tija kwenye utoaji wa huduma kwenye halmashauri hiyo ambapo kwa mwaka wa fedha 2018/2019 ilikusanya mapato ya Shilingi bilioni 3.2 sawa na asilimia 81 ya lengo la mwaka hivyo mradi huo  wa stendi ya madiira utaiwezesha Halmashauri kukusanya mapato ya kutosha na kutoa huduma bora kwa wananchi wake.

ziara ya Katibu Mkuu ofisi ya Rais TAMISEM Eng.Joseph Nyamhanga  eneo la madira .

 Mkuu wa Wilaya ya Arumeru akielezea ujenzi wa Stendi ya Madira kwa Katibu Mkuu ofisi ya Rais TAMISEM Eng.Joseph Nyamhanga(wa pili kushoto)

Afisa Mipango Halmashauri ya Meru Maarufu Mkwaya