TAKUKURU ARUMERU YAZITAKA HALMASHAURI KUIMARISHA USIMAMIZI WA UKUSANYAJI MAPATO

Imewekwa: September 28th, 2022

Taasisi ya Kuzuia na Kupambana na Rushwa Wilaya ya Arumeru, imezitaka Halmashauri za Wilaya hiyo (  Arusha na Meru ) kuhakikisha zinaimarisha mifumo ya ukusanyaji mapato ikiwa ni pamoja na  kuzuia mianya  ya upotevu wa mapato hayo na ubadhirifu fedha za umma.

Mkuu wa TAKUKURU Wilaya ya Arumeru, Bw. Deo Mtui, ametoa rai hiyo wakati wa kikao na wahusika wa Ukusanyaji mapato kutoka Halmashauri za  Arusha na Meru  kilichofanyika  katika ukumbi wa Chuo cha Ualimu Patandi maalumu ambapo amesema uchambuzi wa mfumo wa kukusanya mapato kwa kutumia mashine za kielekroniki (POS) uliofanywa na Taasisi hiyo umebaini  mapungufu kadhaa "Ipo haja ya kuongeza juhudi na  kudhibiti upotevu wa mapato ya Serikali, kwani tunaona kuna mapungufu  katika eneo hili " Amesema Bw. Mtui.

Vilevile Mtui ameeleza mapungufu yaliyojitikeza katika uchambuzi  uliofanywa na Taasisi yake  ni  pamoja na baadhi ya wakusanya mapato kuchelewa kuwasilisha fedha benki hivyo kuathiri ukusanyaji wa  mapato.

Mtui amehimiza ni muhimu kwa Halmashauri ,Mawakala na wote wanaohusika kukusanya mapato ya Serikali kuzingatia Sheria Kanuni na taratibu za fedha za umma kwani kutozingatia hayo kunapelekea kuvunja sheria ya Kuzuia na kupambana na Rushwa Namba 11 ya Mwaka 2017 .

Mtui, amesema  Wakusanya mapato wa Halmashauri za Arusha na Meru ambao ni Mawakala na Watumishi  wanatakiwa kufuata sheria, kanuni na taratibu za ukusanyaji mapato ambazo zinawataka kuweka fedha Benki kila siku, kwani kutokufanya hivo ni  uvunjaji wa Sheria ya Kuzuia na Kupambana na Rusha ya Mwaka 2017,  kifungu cha 28  ambacho ni kosa la Ufujaji na Ubadhirifu sambamba na kifungu cha 31 ambacho ni matumizi mabaya ya madaraka.

Kikao hicho cha Warsha ya  siku moja ambacho  kimewajumuisha Wakurugenzi wa Halmashauri zote mbili ,  waweka Hazina, Maafisa TEHAMA, Wakakuzi wa Ndani, Maafisa Mapato, Mawakala na wakusanyaji mapato zaidi ya 176, kimeweka maazimio ya kuhakikisha fedha za makusanyo  yote ya  Halmashauri zote mbili zilizocheleweshwa kuwekwa benki   kuwekwa benki kabla ya tarehe 05 Oktoba 2022.

Vilevile kikao hicho  kimeazimia mikakati mbalimbali itakayochochea ukusanyaji mapato na kuwaletea wananchi maendeleo .

Arumeru Kazi iendelee.....

Mkuu wa TAKUKURU Wilaya ya Arumeru, Bw. Deo Mtui akizungumza wakati wa kikao

Wahusika wa Ukusanyaji mapato kutoka Halmashauri za  Arusha na Meru

wahusika wa Ukusanyaji mapato kutoka Halmashauri za  Arusha na Meru

wahusika wa Ukusanyaji mapato kutoka Halmashauri za  Arusha na Meru

Maafisa wa TAKUKURU Wilaya ya Arumeru

wahusika wa Ukusanyaji mapato kutoka Halmashauri za  Arusha na Meru