TANZANIA IPO IMARA, RAIS SAMIA ATANGAZA NEEMA KWA WANANCHI ARUMERU

Imewekwa: March 5th, 2023

Rais wa Jamhuri ya Muungano wa Tanzania Dkt.Samia Suluhu Hassani wakati akizungumza na

Maelfu ya Wananchi waliojitokeza  eneo la  Usa-River Wilayani Arumeru,amesema nchi ya Tanzania ipo Imara katika nyanja mbalimbali ikiwemo ya  Kisiasa ambapo amebainisha  siasa  sio uadui bali ni kuleta changamoto zilizopo ili zitatuliwe.

Mhe.Dkt Samia  amewahakikishia wananchi Serikali  imejipanga vyema kuhakikisha inawaletea wananchi wake maendeleo kwa kutatua changamoto zinazowakabili ambapo ametangaza neema kwa wananchi watakaopisha eneo la Uwanja wa Ndege wa Kimataifa kulipwa fidia ya  Bilioni 11 ili waweze  kupata makazi mengine " tumekua na kikao cha ndani na mawaziri hapa Arusha, wamepikwa wakapikikaa na wanakwenda kufanya kazi za wananachi" amesema Samia

Awali akifafanua changamoto ya miundombinu ya  Barabara iliyotolewa Mhe.John Pallangyo,Mbunge wa Jimbo la Arumeru Mashariki, Naibu Waziri wa Ujenzi,Mhandisi Godfrey Kasekenya amesema kwa Wilaya ya Arumeru  barabara ya Arusha -Tengeru hadi Mbuguni mkandarasi  anakamilisha michoro ili iweze kujengwa Kwa kiwango cha lami katika bajeti zinazokuja na kwa changamoto ya  barabara za vijijini zimeelekezwa  TARURA kwa utekelezaji.

Naye ,Naibu Waziri wa Fedha, Hamad Hassan Chande amesema kuhusu mishahara ya wafanyakazi zaidi ya 500 wa Kiliflora  wanaodai fedha za mashamba ya maua alisema  madai hayo yanafanyiwa kazi na ndani ya mwezi huu jambo lao litakuwa limepatiwa ufumbuzi huku uwekezaji wa mashamba ya Kiliflora yatapelekwa wizara ya Kilimo.

Mkuu wa Wilaya ya Arumeru, Emmanuela Kaganda alisema wilaya hiyo itasaidiana na Halmashauri katika kilimo kupitia asilimia kumi zinazotolewa kwaaajili ya kusaidia vijana,wanawake na watu wenye ulemavu.

Arumeru Kazi Iendelee....