TASAF YAREJESHA FURAHA KWA KAYA ZENYE HALI

Imewekwa: September 18th, 2022

Baadhi ya Walengwa wa TASAF Halmashauri ya Wilaya ya Meru waishukuru Serikali  kwani kupitia mradi wa TASAF III wamepata  ujasiri wa kushirikiana na jamii tofauti na awali,  ambapo walipoteza furaha kwa kushindwa kushirikiana na jamii kwenye shughuli na matukio ya pamoja  kutokana na hali zao kuwa duni kiasi cha kushindwa kuwa na mavazi .

Ikiwa ni kipindi cha  utoaji wa  malipo  kwa. kipindi cha malipo Julai /Agusti  2022 ambapo TASAF imetoa Zaidi ya Milioni 306 kwaajili ya malipo kwa walengwa elfu 6,797 pamoja na usimamizi, Elieka Mbise ambaye ni mnufaika wa TASAF, amesema alikua akiona haya kujumuika na kinamama wenzake kutokana na uchakavu wa mavazi "TASAF imetutoa mbali nilikuwa sina Kitenge hata kimoja kukiwa na shughuli yoyote nashindwa kujumuika na  wenzangu"ameeleza Elieka

TASAF imekuwa na manufaa makubwa katika Halmashauri ya Wilaya ya Meru mbali kutoa malipo kwa walengwa, imekuwa ikitoa fedha kwaajili ya miradi ya Maendeleo ambapo kwa  mwaka wa fedha uliopita  2021/2022 TASAF  ilitoa zaidi ya milioni  385 kwa ajili ya utekelezaji wa Miradi ya maendeleo katika sekta ya Elimu ,afya,barabara nk  na kwa mwaka huu wa fedha 2022/2023  ulioanza Julai 2022  imetoa Milioni 391.87 za utekelezaji wa miradi ya maendeleo.

Hakika Meru tunajivunia  TASAF KWA MAENDELEO