"USHIRIKA UTADUMU NA KUIMARIKA KATIKA WILAYA HII"KAULI YA DC MURO .

Imewekwa: August 31st, 2018

Mkuu wa Wilaya ya Arumeru Jerry Muro amewataka viongozi wa vyama vya ushirika wilayani humo wasioweza kuviongoza vyama hivyo kujiuzulu mara moja.

Mhe.Muro amesema hayo katika uzinduzi wa Jukwaa la Ushirika Wilaya ya Arumeru, ambapo amesema atasimamia  ushirika wilayani humo ili uweze kuimarika na kudumu.

Mhe.Muro amesikitishwa na ubadirifu wa fedha  za wanachama  wa ushirika kwa maslahi ya viongozi wachache kinyume na lengo la serikali kuwaunganisha wananchi pamoja  ili waweze kujikwamua kiuchumi na kijamii.

Muro ameviasa  vyama vya ushirika kutumia wataalamu wenye sifa ili kuleta ufanisi  kama  sheria namba 6  ya mwaka 2013 inavyowataka.

Akihitimisha Mhe.Muro amewapa muda wa mwezi mmoja viongozi wote wa vyama vya ushirika Wilayani Arumeru kuwasilisha taarifa za kipindi cha miaka 5 za mapato na matumizi, taarifa za mali za vyama pamoja na taarifa ya idadi ya wanachama,watumishi sambamba na mihutasari ya vikao.

Nae Mkuu wa Kitengo cha  Ushirika Halmashauri ya Meru ambapo uzinduzi wa jukwaa hilo umefanyika ,Ndg. Mkumbwa Mussa amesema wamejipanga vyema kuvisimamia Vyama hivyo ikiwa ni pamoja na kufanya Ukaguzi wa kushtukiza mara kwa mara.

Nao wajumbe wa jukwaa la Ushirika Wilayani Arumeru wameazimia kutekeleza maagizo yote yaliyotolewa ikiwa ni pamoja na kutumia wiki 3 kutekeleza maagizo ya Mkuu wa Wilaya ya uwasilishaji wa taarifa.

lengo  la uundaji wa Majukwaa ya ushirika ngazi ya Mkoa na Wilaya ni kutoa  fursa kwa wanachama na wadau mbalimbali kujadili
Maendeleo na changamoto zinazoukabili ushirika na kuweka mikakati ya kutatua changamoto hizo ili kuviimarisha Vyama vya Ushirika.

Wilaya ya Arumeru ina Halmashauri mbili ambazo ni Halmashauri ya Wilaya ya Meru na Halmashauri ya Wilaya ya Arusha.

Idadi ya vyama vya ushirika Wilaya ya Arum ni 113 ikiwa ni 73  vipo Halmashauri ya Wilaua ya Meru na 40 vipo Halmashauri ya Wilaya ya Arusha.

PICHA ZA TUKIO.

Mkuu wa Wilaya ya Arumeru Jerry Muro.

(kushoto) kwa mkuu wa wilaya Arumeru ni Mwenyekiti wa Jukwaa la ushirika Mkoa wa Arusha Ndg. Wilibald Ngambeki na kulia ni Mwenyekiti wa Jukwaa la Wilaya ya Arumeru Mch.Anaeli Nassari.

Mkuu wa Kitengo cha  Ushirika  Halmashauri ya Meru  Mkumbwa Mussa (kulia ) pembeni yake  ni Afisa ushirika  kwenye Halmashauri ya Meru Neema Munisi.

Viongozi wa vyama vya ushirika wakati wa uzinduzi wa Jukwaa la Ushirika Wilaya ya Arumeru.

Viongozi wa vyama vya ushirika wakati wa uzinduzi wa Jukwaa la Ushirika Wilaya ya Arumeru.

Viongozi wa vyama vya ushirika wakati wa uzinduzi wa Jukwaa la Ushirika Wilaya ya Arumeru.

Viongozi wa vyama vya ushirika wakati wa uzinduzi wa Jukwaa la Ushirika Wilaya ya Arumeru.

Picha ya pamoja ya Mkuu wa wilaya ya Arumeru,viongozi wa Jukwaa la Ushirika Arumeru na viongozi wa vyama vya ushirika.