UTATUZI WA MIUNDOMBINU CHAKAVU KUELEKEA MIAKA 59 YA MUUNGANO, DC ARUMERU AZINDUA VYUMBA VYA MADARASA

Imewekwa: April 20th, 2023

Kuelekea maadhimisho ya miaka 59 ya Muungano wa Tanganyika na Zanzibar, wanafunzi wa Shule ya Msingi Kikwe iliyopo Halmashauri ya Wilaya ya Meru ,Wilayani Arumeru  waondokana na changamoto ya  uchakavu wa vyumba vya madarasa baada ya Serikali ya Dkt.Samia Suluhu Hassan kutoa shilingi Milioni 60 za ujenzi wa vyumba vitatu vya madarasa pamoja Samani (Meza na viti 50 kwa kila darasa) shuleni hapo.

Akizundua vyumba hivyo vya Madarasa, Mkuu wa Wilaya ya Arumeru Mhe. Emmanuela Kaganda

amesema Wilaya ya Arumeru inaishukuru Serikali kwani kuelekea miaka 59 ya Muungano wa Tanganyika na Zanzibar, Serikali ya awamu ya sita imetoa fedha nyingi katika sekta za Elimu,Afya ,Kilimo nk

Mhe.Kaganda ameipongeza  Serikali ya Dkt.Samia  kwani imehakikisha wanafunzi  wanasoma kwenye vyumba vya kisasa vya madarasa vyenye viti na Meza, Umeme, vigae (tiles)  ambapo ametoa wito kwa Walimu kusimamia utunzaji wa miundo mbinu mashuleni ili kuwa na tija zaidi.

Vilevile Mhe.Kaganda amewapongeza viongozi wote walioshiriki kusimamia ukamilishaji wa mradi wa huo, ambapo ametumia jukwaa hilo kuwakumbusha Wakulima kulima mazao ya muda mfupi kuzingatia  taarifa  za mamlaka za Hali ya Hewa, na kubainisha kwa Sasa mbolea inapatikana Wilayani Humo .

Mhe.Daniel Kaaya ambaye ni Diwani wa Kata ya kikwe amesema ndani ya miaka miwili wamefanikiwa kupata miradi mingi ambayo kila kijiji cha kata ya kikwe kimepata mradi.

kwa upande wao wazazi  na Wanafunzi wameishukuru Serikali  kutoa fedha za ujenzi wa vyumba hivyo vya madarasa kwani kwa Sasa wanafunzi watasoma katika mazingira mazuri na rafiki.