WAWEZESHAJI WA TASAF KATIKA HALMASHAURI YA MERU WATAKIWA KUZINGATIA MAFUNZO YA KUTUNZA KUMBUKUMBU NA KUWEKA AKIBA

Imewekwa: June 24th, 2019

Mkurugenzi Mtendajiwa wa Halmashauri ya Wilaya ya Meru,Ndg. Emmanuel  Mkongo amewataka wawezeshaji wa mfuko wa kunusuru kaya maskini (TASAF) katika Halmashuri hiyo kutumia vyema mafunzo wanayopewa ya utunzaji wa kumbukumbu na fedha kuvifundisha vikundi vya wananchi wanaofadhiliwa TASAF ili waweze kujiinua kiuchumi kutumia kupitia  fedha wanazopewa katika kubuni na kuanzisha miradi ya uzalishajimali.

Mkurugenzi amesema hayo wakati wa  ufunguzi wa mafunzo ya kuwajengea uwezo wawezeshaji wa TASAF Ngazi ya Wilaya na Kata katika Halmashauri hiyo ambapo amewataka kutumia   mafunzo hayo kama chachu ya kwenda kutoa elimu katika vikundi vya jamii husika vinavyo toka  katika kaya maskini ili viweze kuongeza kipato na kupiga hatua kiuchumi.

Mtaalamu wa Mafunzo na Ushirikishwaji kutoka TASAF Makao makuu,Ndg.MERCY MANDAWA amesema wawezeshaji kwenye Halmashuri zote  nchini wamechangia kwa kiasi kikubwa katiks utekelezaji wa TASAF kuwa rahisi ,hivyo ametoa rai kwao kutumia mafunzo hayo kuisaidia jamii kujua kutunza kumbukumbu na kuweka akiba kwa lengo la kujikwamua kutoka hali duni.

Mratibu wa TASAF katika Halmashuri  hiyo Boniface  Mwilenga  amesema vijiji 47 kati 90 vya Halmashauri hiyo vipo katika mpango wa kunusuru kaya maskini,aidha katika vijiji hivyo 20 jumla ya vikundi 122 vyenye wanachama 1732 vimeundwa na vinajiendesha na kati yao wanawake ni 1544 na wanaume 188.

Aidha Mwilenga amesema vikundi hivyo vinajiendesha vyenyewe na vimeshapewa shajala mbalimbali likiwemo daftari la kutunza kumbukumbu na sanduku la kuhifadhia fedha, hivyo vinahitaji mafuzo ili kuboreshe utendaji  wao wa Kazi.

Baadhi ya wawezeshaji wanaopata mafunzo hayo,Ester Mbwana,Agness Piter na Donatha Minde wamesema kuwa mafunzo hayo yatawasaidia katika kuwajengea uwezo wa kwenda kuwafundisha wanavikundi walioko katika maeneo yao kutumia fedha kidogo ili kujikwamua katika umaskini.

Mafunzo hayo ya TASAF ambayo yanafanyika katika mikoa miwili tu Nchini ,ambapo kwa  mkoa wa Njombe yamekamilika na kwa Mkoa wa Arusha  Arusha yanaendelea ambapo katika Halmashauri ya Meru yanafanyika  kwa siku 5 katika kumbi za Halmashauri .

Ester Mbwana ni miongoni mwa  wawezeshaji wanaopata mafunzo hayo .

Agness Piter ni miongoni mwa  wawezeshaji wanaopata mafunzo hayo

Donatha Minde ni miongoni mwa  wawezeshaji wanaopata mafunzo hayo

Kulia ni afisa ufuatiliaji  wa TASAF (TMO) Judith Massika an Kulia ni Hosea Mwankusye  Kiongozi wa  timu ya wawezeshaji kitaifa.

wawezeshaji wa TASAF wakifuatilia Mafunzo.

wawezeshaji wa TASAF wakifuatilia Mafunzo.

Hamza Seleman ambaye mwezeshaji ngazi ya Taifa  akitoa mafuzo  kwa wawezeshaji ngazi ya Kata na Halmashauri

wawezeshaji wa TASAF wakifuatilia Mafunzo.

Abdallah Dokodoko ambaye mwezeshaji ngazi ya Taifa  akitoa mafuzo  kwa wawezeshaji ngazi ya Kata na Halmashauri.

wawezeshaji wa TASAF wakifuatilia Mafunzo.

wawezeshaji wa TASAF wakifuatilia Mafunzo.

wawezeshaji wa TASAF wakifuatilia Mafunzo.