VITAMBULISHO 924 VIMETOLEWA KWA WAJASIRIAMALI MERU DC

Imewekwa: November 12th, 2024

Mkuu wa Wilaya ya Arumeru Mhe. Amir Mohamed Mkalipa amegawa vitambulisho 924 Kwa wajasiriamali wanaojishughulisha na Biashara mbalimbali  ikiwa ni kwa awamu ya kwanza ya ugawaji ambapo Lengo la Halmashauri nikugawa vitambulisho 1501 Kwa wajasiriamali waliosajiliwa.

Aidha, lengo la vitambulisho hivyo ni kupunguza changamoto mbalimbali zinazowakabili wajasiriamali katika shughuli zao za kila siku ikiwa ni pamoja na kukosa Mikopo, kusumbuliwa kuhusu kodi na swala zima la Bima. Vitambulisho hivi vitakwenda kutatua changamoto hizo.

Zoezi hili la ugawaji wa vitambulisho limefanyika katika Ukumbi wa Halmashauri ya Wilaya ya Meru likiwa chini ya Idara ya Maendeleo ya Jamii Halmashauri ya Wilaya ya Meru.