WANANCHI WA KIJIJI CHA MIKUNGANI WAONDOKANA NA CHANGAMOTO YA MAJI

Imewekwa: September 22nd, 2022

Wananchi wa  Kijiji cha Mikungani Kata ya Mbuguni  waondokana na changamoto ya upatikanaji wa maji safi na salama  baada ya Shirika lisilo la kiserikali la WAMATA  kuchimba kisima cha maji  kilichogharimu Milioni 79.98 chenye urefu wa  mita 130 kinachotumia nishati ya umeme wa jua.

Akizungumza katika makabidhiano ya Mradi huu ,Diwani wa Kata ya Mbuguni Mhe.Laurence Ngolly ametoa wito kwa wananchi kutunza mradi huo ili kuwa na manufaa kwa jamii ya sasa na badae ambapo ameweka bayana Uongozi wa Kata hiyo kutomvumilia yeyote atakayejaribu kwa namna yeyote kuhujumu mradi huo " nitoe wito kwa kila mwananchi kuwa mlinzi wa mradi huu wenye manufaakwetu sote"amehimiza Mhe.Ngolly

Mkurugenzi  shirika hilo la WAMATA Bw. John Tarimo  amesema wakati wa utafiti ilionekana Kijiji cha Mikungani kinachangamoto kubwa ya upatikanaji wa maji safi na salama hivyo kutokana na Sera  na ushirikiano uliopo kati ya Serikali na wadau wameweza kuchimba kisima ambacho kitahudumia zaanati ,shule na wananchi ambao wamewekewa vilula 2 vya maji(DP).

Mwakilishi wa Mkurugenzi wa Halmashauri ya Meru ambaye pia ni mkuu wa Idara ya Mazingira na  Udhibiti taka B. Charles  Mboya ametoa wito kwa jamii kutunza vyanzo vya maji sambamba na kupanda miti ili kukabiliana na mabadiliko ya tabia ya nchi.

Wakizungumza kwa Nyakati tofauti wananchi hao wameshukuru kupata mradi huo kwani  upatiksnaji wa maji ulikuwa changamoto kubwa "tulikuwa tunanunua maji lita 20 Shilingi elfu moja na kutokana na kipato cha wengi wetu kuwa chini tulikua tukifuata maji kwenye visima vya mashambani"amesema Perpetua Mafie Mkazi wa Kijiji cha Migungani

Aidha, Halmashauri ya Wilaya ya Meru inawakaribisha na  itaendelea kushirikia na wadau mbalimbali kuwaletea wananchi maendeleo .