Wanawake 123 Wanufaika na uboreshaji wa Kituo cha Afya Usa River.

Imewekwa: January 31st, 2020

Wanawake wapatao  123  Wilayani Arumeru Mkoani Arusha wamenufaika na ujenzi na ukarabati wa Kituo cha Afya Usa –River  kilichopo  Halmashauri ya Wilaya ya Meru,ikiwa ni baada ya Serikali kutoa Milioni 500 kwaajili ya ujenzi na Ukarabati  wa Kituo Hicho.

Mganga Mfawidhi wa kituo cha Afya Usa – River,  Dkt.Hillary Mkini  amesema tangu kuzinduliwa kwa huduma ya Upasuaji kituoni hapo tarehe 17 Septemba 2019 jumla ya wagonjwa 132 wamefanyiwa upasuaji, kati yao kinamama wajawazito ni 123  na wagonjwa 9 walifanyiwa upasuaji wa kawaida .

Dkt.Mkini amesema kunaongezeko kubwa la idadi ya wagonjwa wanahudumiwa kituoni hapo ambapo kabla ya uboreshaji idadi ya wagonjwa ilikuwa wagonjwa 600  hadi 800 kwa Mwezi na Wakiongezeka sana walifika 1,200  tofauti na sasa ambapo idadi ya wagonjwa ni 2,500 hadi 3,000 kwa mwezi.

Mkini amehitimisha kwa kutoa wito kwa jamii kupata huduma katika kituo hicho na kueleza kuwa hali za wagonjwa wote waliofanyiwa upasuaji kituoni hapo  zilikuwa nzuri na wote  waliruhusiwa kwenda Majumbani .

Mkurugenzi Mtendaji wa Halmashauri ya Wilaya ya Meru, Ndg. Emmanuel J. Mkongo amesema uboreshaji wa Sekta ya Afya ni kipaumbele cha Serikali ya awamu ya tano kuhakikisha wananchi wake wanapata huduma bora za afya katika umbali mdogo.

Mkongo ameishukuru Serikali kwa kutoa Shilingi milioni 500 kwa mwaka wa fedha 2017/2018 kwaajili ya ujenzi na ukarabati wa Kituo cha Afya Usa -River hususani ujenzi wa majengo mapya 6 ambayo ni jengo la upasuaji, nyumba ya mtumishi, jengo la maabara, wodi ya mama na mtoto, chumba cha kuhifadhia maiti na  kichomea taka pamoja na kufanya ukarabati wa majengo 3 yaliyokuwepo ambayo ni Jengo la kuwahudumia wagonjwa wa nje (OPD), jengo la duka la dawa ambalo awali lilitumika kama kama jengo la Maabara na  Jengo wodi ya wanawake na watoto.

Naye Witness Ayo ambaye ni mkazi wa Leguruki aliyeweka rekodi ya uzinduzi wa huduma ya upasuaji katika Kituo hicho tarehe 17 Septemba 2019  ameishukuru Serikali ya awamu ya Tano kwa kuboresha sekta ya Afya kwani imeokoa maisha ya kinamama wengi.

Mkurugenzi Mtendaji wa Halmashauri ya Wilaya ya Meru, Ndg. Emmanuel J. Mkongo.

Mganga Mfawidhi wa kituo cha Afya Usa – River,  Dkt.Hillary Mkini  

Jengo la upasuaji katika kituo cha Afya Usa – River. 

Jengo la Wodi ya mama na mtoto katika kituo cha Afya Usa – River.  

Jengo la maabara katika kituo cha Afya Usa – River.

Nyumba ya mtumishi katika kituo cha Afya Usa – River. 

Wananchi wakipata huduma katika Jengo la kuwahudumia wagonjwa wa nje (OPD)

Muonekano wa ndani wa jengo la upasuaji katika kituo cha Afya Usa - River.

Muonekano wa ndani wa jengo la upasuaji katika kituo cha Afya Usa - River.

Taa maalumu  katika chumba cha upasuaji kituo cha Afya Usa river.