WANAWAKE MERU WATAKIWA KUSHIRIKIANA

Imewekwa: March 8th, 2021

Wanawake wa Halmashauri ya Wilaya ya Meru watakiwa kushirikiana ili kunyanyuana kiuchumi na kuharakisha maendeleo.      

Wito huo umetolewa na Julieth Maturo mwenyekiti wa umoja wa wanawake wa chama cha mapinduzi (UWT) Wilaya ya kichama ya Meru wakati wa maadhimisho ya siku ya wanawake duniani.    

Julieth amesema ni wakati wa wanawake kuinuana na kushirikiana kikamilifu kufuta dhana potovu ya adui wa mwanamke ni mwanamke "wanawake tushikane mikono tuinuane,tupendane kwa maendeleo yetu na taifa"amesisitiza Maturo.     

 Aidha, Maturo amempongeza Mhe.Rais Dkt. John Pombe Joseph Magufuli kwa kuwathamini na kuwapa nafasi wanawake kwani wameweza kujiamini na kufanya vizuri zaidi "tunajivunia  katika Nchi yetu Wanawake wamepewa nafasi  za juu na kufanya vizuri, Mhe. Makamu wa Rais ni mwanamke,tuna Mawazari wanawake, Wakuu wa Wilaya na hata Wakuu wa Idara wa Halmashauri yetu na wote hao wamekua wakifanya vizuri."amesema julieth    

Mwenyekiti wa Umoja wa Wanawake Halmashauri ya Wilaya ya Meru Bi.Furahisha Magubila amesema wameungana na wanawake duniani kuadhimisha siku hiyo muhimu kwa kufanya maandamano ya amani, kutoa msaada katika kituo cha wazee kilichopo kikatiti. Pamoja na kuelimishana juu ya ujasiriamali,lishe ,huduma za kibenki na maswala ya unyanyasaji wa kijinsia. 

Kwa upande meneja wa kituo cha kulelea wazee Ruthu kaaya amewashukuru wanawake kwa kuwajali wazee . 

Naye Meneja wa kituo hicho Moses Mafie amesema kituo hicho kinacho wahudumia wazee 300 wasiojiweza kilianzishwa kikilenga kuwasaidia wazee wasio na makazi

Bi. Julieth Maturo akikabidhi msaada kwa Wazee. 

wazee wakishukutu na kuomba wadau wengine kujitokeza kuendelea kuwasaidia mahitaji  muhimu. 

Meneja wa kituo cha wazee Ndg.  Mafie

Ummoja wa wanawake Halmashauri ya Wilaya ya meru wakiwa makazi ya wazee. 

Kamati tendaji  ya umoja wa wanawake Halmashauri ya Wilaya ya Meru wakati wa maadhimisho ya siku ya wanawake duniani 2021.