WATENDAJI WA KATA WATAKIWA KUIWAKILISHA VYEMA SERIKALI ,KUSHIRIKIANA NA MADIWANI,KUTOA TAARIFA ZA SHUGHULI ZINAZOTEKELEZA KATIKA KATA

Imewekwa: September 6th, 2022

Mkurugenzi Mtendaji wa Halmashauri ya Wilaya ya Meru Mwl.Zainabu Makwinya amewata Watendaji wa Kata wa Halmashauri hiyo kutekeleza majukumu yao  ipasavyo ili kuiwakilisha vyema Serikali ikiwa ni pamoja na  kushirikina  na Waheshimiwa Madiwani katika kuwaletea  wananchi maendeleo pamoja na kuwasilisha kwa wakati taarifa za  shughuli zote zinazotekelezwa kwenye Kata  ikiwemo miradi ya wafadhili.

Akizungumza wakati wa Mkutano wa baraza la Madiwa Mwl.Makwinya amesema ni muhimu  kwa watendaji hao kuwasilisha taarifa za miradi ya wafadhili  kabla ya kuanza  kutekelezwa  ili kuleta tija na ufanisi zaidi pamoja na kuwashirikisha Madiwani ambao ndio wenyeviti wa Kamati ya Maendeleo ya Kata, shughuli zote za maendeleo zinazotekelezwa ndani ya Kata.

Mwenyekiti wa Halmashauri ya Wilaya ya Meru Mhe.Jeremia Kishili ametoa wito kwa  Madiwani kufuatilia shughuli mbalimbali zinazotekelezwa ndani ya Kata  ili kutimiza  azma ya Serikali  ya awamu ya sita ya  kuwaletea wananchi maendeleo" tunamshukuru Mhe.Rais Samia Suluhu Hassan kwa kutoa fedha  nyingi katika sekta ya afya,elimu ,maji ,barabara  hakika Meru tumenufaika "amesema Mhe.Kishili

Mhe. Dauson Urio Diwani wa Kata ya Uwiro amesema Kata nyingi zinafanya vizuri kutokana na ushirikiano uliopo kati ya Diwani na Mtendaji wa Kata ambapo amesema endapo ushirikiano usipokuwepo unaathiri uhamasishaji wa wananchi kwenye shughuli za maendeleo

Naye Mhe.Glory Kaaya Diwani viti maalum Kata ya Kata ya Kikwe amesema utoaji wa taarifa wa miradi inayotekelezwa kwenye Kata ni muhimu sana kwani itasaidia Wananchi kuijuia na kishirikikatika utekelezaji wa miradi hiyo .

Aidha ,Baraza hilo la Madiwani limekamilikwa kwa siku ya kwanza mbapo madiwani wamewasilisha taarifa za utekelezaji za Kata zote 26 na utaendelea kwa siku ya pili tarehe 08 Septemba 2022