MAFUNZO YA MPANGO KUWEZESHA JAMII KUJIWEKEA AKIBA KWA WAWEZAJI WA TASAF NGAZI YA KATA NA WILAYA YAMEKAMILIKA KWA SIKU YA PILI.

Imewekwa: June 25th, 2019

Mafunzo ya mpango kuwezesha jamii kujiwekea akiba kwa wawezaji TASAF ngazi ya wilaya na Kata katika Halmashauri ya Meru yamekamilika kwa siku ya pili ambapo wamejengewa uwezo juu ya dhana ya uwekaji akiba na utunzaji kumbukumbu  katika maswala ya uchukuaji mikopo na uendeshaji wa  biashara.

Mafunzo hayo yanayofanyika kwa siku 5 katika kumbi za Halmashauri hiyo yanalenga kukuza utamaduni wa kujiwekea akiba kwa kaya maskini ili kuziwezesha kukabiliana na dharura na mahitaji ya msingi. Ndg.Hamnza Selemani ambaye ni mwezeshaji ngazi yaTaifa amesisitiza  kuwa akiba ni chachu ya kuleta maendeleo kwenye Kaya hivyo ni muhimu Kaya husika kuwa na nidhamu ya kujitolea na kujiwekea akiba kwa malengo ya badae,.

Aidha katika swala la kutunza kumbukumbu mafunzo kwa vitendo yamefanyika kwa wawezeshaji hao kujaza  daftari la kumbukumbu za wanachama, mahudhurio na fomu za  mikataba ya mikopo .

Mtaalamu wa Mafunzo na Ushirikishwaji kutoka TASAF Makao makuu,Ndg.Mercy Mandawa akizungumza na wawezeshaji wa TASAF ngazi ya Wilaya na Kata katika Halmashauri ya Meru.

Wawezeshaji wa wa TASAF ngazi ya Wilaya na Kata wakifanya mafunzo kwa vitendo katika vikundi.

Ndg.Hosea Mwankusye ambaye ni  Kiongozi wa  timu ya wawezeshaji kitaifa akisistiza jambo wakati wa mafunzo  kwa vitendo kwa wawezeshaji wa TASAF ngazi ya Wilaya na Kata Halmashauri ya Meru.

Wawezeshaji wa TASAF ngazi ya Taifa,Ndg. Hamza Seleman na  Abdallah Dokodoko(kulia) wakifafanua maswala mbalimbali wakati wa mafunzo kwa vitendo. 

Hamza Seleman mwezeshaji ngazi ya Taifa  akitoa mafuzo  kwa wawezeshaji ngazi ya Wilaya na Kata Halmashauri ya Meru..

Mwezeshaji wa wa TASAF ngazi ya  Kata  akiwasilisha kazi ya kundi  baada ya kufanya mafunzo kwa vitendoi.