WAZEE WAPEWA KIPAOMBELE ARUMERU.

Imewekwa: August 30th, 2018

Mkuu wa Wilaya ya Arumeru Jerry Muro amewaagiza waganga wakuu kwenye Halmashauri mbili za Wilaya Hiyo kuhakikisha kila kituo cha Afya na Hospital za Wilaya zina dirisha maalumu kwaajili ya kuwahudumia wazee.

Muro ametoa agizo hilo katika uzinduzi wa Jukwaa la Ushirika Wilayani humo na kueeleza kuwa  wazee wanatakiwa kupewa huduma za afya bila kero .

Aidha agizo  la Mhe.Muro  ni sambamba na utengenezaji wa vitambulisho vya wazee watakavyo vitumia kupata huduma za Afya  bila malipo.

Akipokea maagizo hayo Mganga Mkuu Halmashauri ya Meru Dkt.Cosmas Kilasara ameeleza kuwa  asilimia 80% ya wazee wanaokidhi  vigezo vya msamaha wa kuchangia huduma za Afya kwa  mujibu wa sera ya Afya ya mwaka 2007  wametengenezewa vitambulisho.

Dkt.Kilasara ameongeza kuwa  zoezi la kuwatambua  wazee wenye umri zaidi ya miaka 60 ambao hawana uwezo wa kipato huanzia ngazi ya vitongoji,vijiji  na Kata hivyo ametoa rai kwa viongozi wa ngazi husika kufanya utambuzi wa wazee kwa wakati ili watengenezewe vitambulisho vya matibabu bila malipo.

Jukwaa la Ushirika Wilaya ya Arumeru limeshirki uboreshaji wa huduma za Afya kwa kutoa shuka 30 zitakazo tumika katika kituo cha Afya Usa-River.

Uzinduzi wa jukwaa hilo umefanyika katika ukumbi wa Halmashauri ya Meru ambapo Mgeni rasmi alikuwa Mkuu wa Wilaya ya Arumeru.

(kushoto) kwa mkuu wa wilaya Arumeru ni Mwenyekiti wa Jukwaa la ushirika Mkoa wa Arusha Ndg. Wilibald Ngambeki na kulia ni Mwenyekiti wa Jukwaa la Wilaya ya Arumeru Mch.Anaeli Nassari.

Viongozi wa vyama vya ushirika wakati wa uzinduzi wa Jukwaa la Ushirika Wilaya ya Arumeru.

Viongozi wa vyama vya ushirika wakati wa uzinduzi wa Jukwaa la Ushirika Wilaya ya Arumeru.

Viongozi wa vyama vya ushirika wakati wa uzinduzi wa Jukwaa la Ushirika Wilaya ya Arumeru.

Mkuu wa Kitengo cha  Ushirika  Halmashauri ya Meru  Mkumbwa Mussa (kulia ) pembeni yake  ni Afisa ushirika  kwenye Halmashauri ya Meru Neema Mundo.