WIKI YA MAZINGIRA. MERU YAFANYA MATEMBEZI KUTOA ELIMU YA MIMEA VAMIZI

Imewekwa: June 2nd, 2022

Maadhimisho ya Wiki  ya mazingira yanaendelea katika Halmashauri ya Wilaya ya Meru ambapo siku 3,  wananchi, watumishi wa Halmashauri na wadau wa mazingira wamefanya matembezi  ya kukagua uwepo wa mimea vamizi (Invasive species) kutoka  Makao makuu ya Halmashauri  hiyo hadi geti la kwanza la hifadhi ya Taifa ya Arusha ANAPA .

Akizungumza baada ya kubaini uwepo wa mmea vamizi uitwao gugu karoti  Mtafiti Bi Neema Mtenga kutoka Taasisi ya CHANGE FOR FUTURE amesema  kemikali zinazotolewa na  mmea huo husababisha aleji ya mfumo wa hewa(respiratory  difficulties) pia hutengeneza sumu kwenye mwili wa binadamu hivyo husababisha vipelevipele (contact dermatitis) na endapo mnyama akila mmea huu kwa  50% ya chakula  inapelekea mnyama kufa au maziwa na nyama kubadilika ladha au kutokuwa naladha.

Naye ,Bw.Praygod Kweka kutoka Chuo cha NELSON MANDELA amesema mme huo unamadhara Kwenye mazingira kwani  husababisha kupotea kwa bioanuai(biodiversity  loss) pamoja na kubadilisha uoto wa asili. Pia Kwa sababu mmea huo  hutoa kemikali zinazo zuia mimea mingine iliyo karibu kumea hivyo hupelekea kupunguza uzalishaji (reduction in crop yield)

Pamoja na  kupoteza mfumo wa udongo (soil properties )

Awali, Mtafiti Neema

amesema  mpaka sasa njia mbalimbali za kuangamiza gugu karoti zilijaribiwa bila mafanikio kwa asilimia 100% hivyo njia pekee ya kuangamiza mmea huo ni kung'oa kabla halijatoa maua au mbegu na  mtu anapo ling'oa ahakikishe anavaa mfuko wa nailoni au cloves ilikuepuka madhara kwenye ngozi.

Aidha , Bi.Damar Nassari kutoka  hifadhi ya Taifa ya Arusha (ANAPA) amesema jitahada zaidi za kudhibiti mmea huo zinaitajika kwani  mmea huo ukiingia hifadhini unaweza kuleta madhara makubwa ikiwa ni pamoja na kuathiri uoto wa asili wa hifadhi  hivyo wanyama pori kukosa malisho ya kutosha ndani ya hifadhi .

Mkurugenzi mtendaji anapenda kuwashukuru wadau wote walioshiriki  siku  ya tatu ya maadhimisho ya wiki ya mazingira  ikiwa ni pamoja na Chuo kikuu cha Nelson Mandela, ANAPA, Change for future, Dunia Salama Foundation, Twice Foundation, Awe College, Twice Foundation na Ngarasero Mountain lodge.