WILAYANI ARUMERU WAPOKEA KWA SHANGWE UJIO WA SAFARI ZA TRENI BAADA YA MIAKA 30 .

Imewekwa: August 10th, 2020

WILAYANI ARUMERU WAPOKEA KWA SHANGWE UJIO WA  SAFARI ZA TRENI BAADA YA MIAKA 30 .

Wenyeviti wa Vijiji na Viongozi Wilayani Arumeru wameishukuru Serikali  Kwa kuhakikisha mwananchi wa hali ya chini anaweza kusafiri kwa gharama  nafuu na salama zaidi  kwa  Kurejesha safari za Reli Mkoani Arusha

Hayo yamejiri wakati wa ufunguzi  rasmi  wa kampeni ya uelewa kuhusu usalama katika njia ya reli na ulinzi wa miundombinu ya reli ambayo imeongozwa na Mkuu wa Mkoa wa Arusha Mhe. Idd Kimanta  Wilayani humu ambapo imewakutanisha Maafisa Tarafa, Wenyeviti wa Vijiji, Vitongoji, Watendaji wa Kata na Vijij vinavyopitiwa na Reli , Uongozi wa Wilaya, Wakurugenzi wa Halmashauri ya Meru na Arusha pamoja na maafisa toka shirika la reli hapa Nchini (TRC).

Mhe.Kimanta amesema  Serikali imekusudia safari za treni katika Mkoa wa Arusha kuanza hivi karibuni (mwishoni mwa mwezi Agosti) ambapo wananchi wa Mkoa huo watapata fursa ya kusafiri na kusafirisha mizigo kwa gharama nafuu ikilinganishwa na gharama za usafiri mwingine.

Mkuu wa Kitengo cha habari na uhusiano   wa Shirika la Reli nchini  Bi Jamila Mbaroukamesema usafiri wa treni ni usafiri salama zaidi na wa gharama nafuu hivyo Viongozi na wananchi hawana budi  kuunga mkono juhudi za Serikali za kurejesha safari za Reli Mkoani Arusha ambazo zilisimama kwa zaidi ya Miaka 30.

Maizo Mgedzi, Mkuu wa  Kitengo cha udhibiti wa ajali katika njia ya  reli  TRC ametoa wito kwa Viongozi wa Vijiji na Vitongoji vinavyopitiwa na reli kuwakumbusha na kuwajulisha wananchi hasa walio karibu na reli ujio wa safari za Treni Mkoani Arusha  Mwezi huu ili waweze  kuwa salama na  kunufaika na usafiri huo wa gharama nafuu.

Mkuu wa Wilaya ya Arumeru Ndg.Jerry Muro kwa niaba ya Wananchi wa Wilaya hiyo amemshukuru Mheshimiwa Rais kwani urejeshaji wa safari hizo mkombozi kwa watanzania na kuahidi kuitunza, kuilinda na kuitumia reli hii.