WITO WATOLEWA KWA VIONGOZI, WANANCHI KUWAPA USHIRIKIANO MAKARANI WA SENSA

Imewekwa: August 20th, 2022

Mkuu wa Wilaya ya Arumeru Mheshimiwa  Mhandisi Richard Ruyango ametoa wito kwa Wananchi na Viongozi  kuwapa ushirikiano Makarani wa sensa wakati wa Sensa ya watu na makazi tarehe 23 Agosti 2022.

Akizungumza na wananchi wa kata ya Usa River mara baada ya kuongoza  matembezi ya  takribani km 3,  ya kuhamasisha zoezi la Sensa ya Watu na Makazi Mhe.Ruyango ametoa wito kwa viongozi ngazi ya jamii kutoa  ushirikiano kwa makarani wa sensa watakaopita kwenye makazi  ya wananchi kuanzia tarehe 23 Agosti 2022  yani siku ya sensa ya watu na mkazi "viongozi na wananchi toeni ushirikiano kwa makarani ili sensa ifanikiwe na serikali yetu ipate takwimu sahihi katika kupanga mipango ya maendeleo" amesem Mhe. Ruyango

Mratibu wa Sensa Halmashauri ya Wilaya ya Meru Mtakwimu Ismail Issa amesema makarani wa sensa watakuwa na na vitambulisho maalum na wataambatana viongozi wa maeneo husika hivyo wananchi wanatakiwa kutoa ushirikuano  kuhakikisha wanahesabiwa kwa kutoa taarifa sahihi ambapo amehimizi taarifa zote zitakazopatikana wakati wa zoezi la Sensa ni za siri na zitatumika kwa maswala ya kitakwimu pekee .

Wakizungumza kwa nyakati tofauti wakazi wa usa River - Ngarasero  wamesema hawana budi kushiriki zoezi la sensa kwakuwa linalenga kuleta  Maendeleo na maendeleo huanzia kwa wananchi " maendeleo ya Tanzania ni maendeleo ya watanzania naomba wote tukahesabiwa nchi ipate takwimu sahihi itekeleze jukumu la kutoa huduma kulingana na idadi yetu"amesema Fatuma Juma

Sophia Said ambaye ni kiongozi wa kitongoji cha Ngarasero amesema viongozi ngazi ya jamii wamejipanga kutoa  ushirikiano kwa Makarani ili  kuhakikisha sensa ya watu na makazi inafanyika kama ilivyokusudiwa .

Awali ,Mkuu wa Wilaya ya Arumeru akiambatana na viongozi wengine ameongoza matembeze maalum ya kuhamasisha zoezi la Sensa ambayo yameanzia eneo la Makao makuu ya Halmashauri kuelekea kituo cha Leganga mpaka Usa Madukani na kuhitimishwa katika uwanja wa mpira ngarasero ambapo wananchi na wadau mbalimbali wameshiriki.

Sensa kwa maendeleo jiandae kuhesabiwaARUMERU,MERU DC TUPO TAYARI KUHESABIWA

Mkuu wa Wilaya ya Arumeru akizungumza wakati wa kuhitimisha matembezi ya kuhamasisha zoezi la Sensa.